Կանայք չեն մտածում, այլ գործում են

Տղամարդիկ ոչ միշտ են հաճոյախոսություններ շռայլում իրենց կանանց հասցեին, սակայն անսահման սիրում են նրանց։ Եվ կան կանանց բնորոշ տասը երեւույթ, որոնք իսկապես գրավում են տղամարդկանց, սակայն նրանք սովորաբար չեն բարձրաձայնում այդ մասին։

1. Կանայք չեն մտածում, այլ գործում են

Կանայք երկար չեն մտածում, կշռադատում, քննարկում, այլ գործի են անցնում։ Երբ նրանք գիտեն, որ պետք է ինչ-որ աշխատանք կատարեն, նրանք անմիջապես սկսում են անել դա, իսկ սա իսկապես դուր է գալիս տղամարդկանց։

2. Կանայք միշտ հիշում են այն, ինչ տղամարդիկ մոռանում են

Չնայած տարածված կարծիքին, որ կանացի հիշողությունը շատ թույլ է, իրականում տղամարդիկ ավելի մոռացկոտ են։ Կանայք հիշում են ամեն ինչ, եւ սա ունի իր եւ դրական, եւ բացասական կողմերը։ Կանայք հիշում են տղամարդու բոլոր սխալները, բայց հիմնականում ըմբռնումով են մոտենում։

3. Կանայք հիանալի մայրեր են

Այո, կարեւոր չէ, թե քանի երեխա ունի կինը, նա հիանալի մայր է իր բոլոր երեխաների համար։ Անգամ ուսումնասիրությունները ցույց են տվել, որ մեծամասամբ երեխաների կրթությամբ եւ դաստիարակությամբ զբաղվում են կանայք։ Այդ է պատճառը, որ երբ երեխաները մեծանում եւ առանձին ընտանիք են կազմում, ավելի հաճախ մորն են զանգում։

4. Կանայք սիրում են տղամարդկանց՝ իրենց թերություններով հանդերձ

Կանայք հասկանում են, որ կատարյալ տղամարդիկ չեն լինում, եւ բոլորն էլ հիմարություններ անում են։ Ուստի, նրանք սիրում եւ ընդունում են իրենց տղամարդկանց՝ հաշվի չառնելով վերջիններիս թերություններն ու սխալները։

5. Կինը միշտ տղամարդու կողքին է եւ կարեկցում է նրան

Երբ կինը հիվանդ է, նա ամեն կերպ փորձում է թաքցնել եւ ցույց չտալ դա։ Իսկ երբ տղամարդը հիվանդ է կամ ուղղակի ջերմություն ունի, նրանք անմիջապես հասնում են օգնության եւ անում ամեն ինչ՝ տղամարդուն ոտքի կանգնեցնելու համար։

6. Կանայք լավ գիտեն, թե ինչ պետք է պատրաստեն

Կանայք գիտեն, որ տղամարդու սիրտը գրավելու ուղին ստամոքսով է անցնում։ Նրանք շատ լավ հասկանում են, թե ինչ նախընտրություններ ունի իրենց ամուսինը սննդի հարցում եւ մշտապես փորձում են գոհացնել նրան։ Նրանք իսկական վարպետներ են։

7. Կանայք կարողանում են կանխագուշակել

Կանայք կանխագուշակում են, որ շուտով ինն-ինչ դժվարություններ են առաջանալու, կամ տղամարդը կանգնելու ինչ-որ հարցի առաջ։ Սա այն դեպքում, երբ տղամարդը անգամ չի էլ հասկանում, թե խոսքը ինչի մասին է։ Տղամարդիկ պաշտում են գերզգայուն կանանց։

8. Կանայք միշտ գիտեն, թե որ իրը որտեղ է

Եթե տանը տղամարդը ինչ-որ իր է փնտրում, սակայն չի կարողանում գտնել, ապա նա անպայման հարցնում է կնոջը, քանի որ կինը գիտի, թե որ իրը որտեղ է։ Նա անգամ գիտի, թե որտեղ է ամուսինը դրել իր հեռախոսը, բանալին, տաբատը եւ այլն։ Թե ինչպես են նրանք հասցնում նկատել ամեն ինչ, դեռ գաղտնիք է տղամարդկանց համար, բայց նրանք խենթանում են նման կանանց համար։

9. Կանայք գիտեն, թե ինչը ինչպես պետք է ասեն

Տղամարդիկ այս հարցում պետք է օրինակ վերցնեն կանանցից։ Չէ որ նրանք իսկապես գիտեն, թե ինչպես պետք է խոսեն եւ ասեն այն, ինչ պետք է։Ավելին, երբ տղամարդիկ ինչ-որ անտեղի խոսքեր են ասում, կանայք շտկում են իրավիճակը՝ փրկելով նրանց։

10. Կանայք ավելի խելացի են

Սա իրականությունը է, որի մասին տղամարդիկ չեն բարձրաձայնում, բայց հոգու խորքում գիտակցում եւ հասկանում են դա։ Կինն ի ծնե ավելի խելացի ու պրագմատիկ է, քան տղամարդը։ Եվ տղամարդիկ քաջ գիտակցում են, որ նրանք  ուղղակի եւ հենց այնպես չեն սիրում իրենց կանանց։ Կանայք արժանի են սիրված ու գնահատված լինելուն։