Վենսը ժամանել է Դելի. Մոդիի հետ քննարկելու են մաքսատուրքերն ու առևտրային համաձայնագիրը
ԱՄՆ փոխնախագահ Ջեյ Դի Վենսը ժամանել է Դելի, որտեղ նա բանակցություններ կվարի Հնդկաստանի վարչապետ Նարենդրա Մոդիի հետ։ Նրանք, հավանաբար, կկենտրոնանան երկու երկրի երկկողմ առևտրային համաձայնագրի արագ կնքման ուղղությամբ, գրում է BBC-ն։
«Կողմերը նաև կարծիքներ կփոխանակեն փոխադարձ հետաքրքրություն ներկայացնող տարածաշրջանային և համաշխարհային զարգացումների վերաբերյալ»,- Վենսի այցից առաջ հայտարարել է Հնդկաստանի արտաքին գործերի նախարարությունը։
Փոխնախագահին ուղեկցում են նրա երեխաներն ու կինը՝ Ուշա Վենսը, որի ծնողները Միացյալ Նահանգներ են տեղափոխվել Հնդկաստանի հարավային Անդհրա Պրադեշ նահանգից։ Փոխնախագահի այցը տեղի է ունենում համաշխարհային առևտրի բարդ իրավիճակի պայմաններում, որն առաջացել է նախագահ Դոնալդ Թրամփի՝ մաքսատուրքերի քաղաքականության պատճառով, հիշեցնում է լրատվականը։
Թրամփը, որը բազմիցս մեղադրել է Դելիին ԱՄՆ-ի հետ առևտրային անհավասարակշռություն ստեղծելու և ի վնաս Ամերիկայի մաքսատուրքերը հօգուտ Հնդկաստանի օգտագործելու համար, հնդկական ապրանքների համար սահմանել է 27 տոկոս մաքսատուրք, սակայն ապրիլի 9-ին այն կասեցրել է։
Հետագա տնտեսական հետևանքները կանխելու համար Հնդկաստանի պաշտոնյաները շտապում են համաձայնեցնել առևտրային գործարքի առաջին փուլը, որը կողմերը հույս ունեն ավարտել մինչև աշուն:
Latest from Live24
- Վրաստանի նախագահը պատրաստ է ներում շնորհել բանտում գտնվող ընդդիմադիրներին, եթե նրանք մասնակցեն ՏԻՄ ընտրություններին
- Մեծ Բրիտանիայում կորոնավիրուսի նոր տեսակ է տարածվում
- Թուրքիան ակնկալում է, որ Բաքվի և Երևանի միջև հնարավոր խաղաղության համաձայնագիրը կբավարարի Ադրբեջանի օրինական պահանջները. Էրդողան
- Հնդկաստանը սպառնում է մաքսատուրքերով՝ որպես պատասխան ԱՄՆ-ի ավտոմոբիլային սակագների բարձրացմանը
- Հայաստանը բողոքի նոտա է հանձնել ՌԴ դեսպանին
- Սրբուհի Գալյանը ելույթ է ունեցել «ՀԸԳՀ. հեռանկարի և գործողությունների միջև կապի ամրապնդում» խորագրով աշխատաժողովին
- Միքայել և Բագրատ սրբազանները հացադուլ են հայտարարել
- Զելենսկին Թրամփի հետ քննարկել է ռազմաճակատում իրավիճակը և համատեղ պաշտպանական ծրագրերը
Լրահոս
Ֆոտո
