Ռուսաստանում հայտնի հասարակական գործիչ, պատմաբան և դիվանագետ Նիկոլայ Պլատոշկինը «Красное Радио» յութուբյան ալիքին տված հարցազրույցում խոսել է Հայաստանի պատմության հետաքրքրաշարժ ու կարևոր դրվագներից մեկի մասին, երբ ՌԴ նախկին նախագահ Բորիս Ելցինին Հայաստանի վերաբերյալ, իր խոսքով, «շատ կարևոր նյութեր» է ներկայացրել։
«Դուք սխալ մարդու վրա եք խաղադրույք կատարել»,- այսպես է արձագանքել Բորիս Ելցինը Պլատոշկինի՝ Հայաստանում բարձրագույն պաշտոնում իր թեկնածուին նշանակելու առաջարկին։ Պլատոշկինը վստահ է՝ ժամանակը ցույց տվեց՝ Ելցինը միանշանակ ճիշտ էր. իր թեկնածուն արևմտամետ էր։
«Իմ ու Ելցինի բանավեճում նա մեկ անգամ ճիշտ դուրս եկավ։ Մենք Ելցինի համար Հայաստանի վերաբերյալ շատ կարևոր նյութեր էինք պատրաստել, և նա ինձ ասաց. «Դուք սխալ մարդու վրա եք խաղադրույք կատարել։ Մենք պետք է ոչ թե այս մարդու, այլ այն մյուսի վրա խաղադրույքը կատարենք (անուններ չեմ ուզում տալ)։ Եվ նա ճիշտ էր։ Նա առաջարկում էր խաղադրույք կատարել Հայաստանում մեկի վրա, ով ինձ արևմտամետ էր թվում։ Ես ծիծաղեցի այն ժամանակ, բայց տարիներ հետո հասկացա՝ նա ճիշտ էր։ Շփոթմունք էր այդ մարդուն ընդունել՝ իբրև ռուսամետ»,-ասում է Նիկոլայ Պլատոշկինը։
Մանրամասն՝ տեսանյութում։
Բագրատ սրբազանի ելույթը Սուրբ Աննա եկեղեցու բակում
ՔՊ-ում պատգամավորներ կան, որոնք էս տարի 2.5-3 միլիարդ մաքուր շահույթ կստանան.
Հրանտ Բագրատյան
ՌԴ դեսպանը խորհրդակցությունից հետո շուտով կվերադառնա Հայաստան, հարաբերությունների խզման մասին խոսք չկա։ Սանկտ Պետերբուրգի միջազգային տնտեսական ֆորում շրջանակներում «ՌԻԱ Նովոստի»-ին ասել է ՌԴ արտաքին գործերի փոխնախարար Միխայիլ Գալուզինը։
«Դեսպանին կենտրոնից խորհրդակցությունների կանչելը սովորական դիվանագիտական պրակտիկա է։ Հենց այս պրակտիկայի շրջանակներում է խորհրդակցության կանչվել Սերգեյ Պավլովիչ Կոպիրկինը։ Մենք անցկացրել ենք այս խորհրդակցությունները։ Ըստ այդմ, կարծում եմ, որ շատ շուտով կարելի է սպասել, որ Սերգեյ Պավլովիչը կվերադառնա Երեւան և կվերսկսի իր պարտականությունները»,- ասել է նա։
Պատասխանելով երկրների միջև հարաբերությունների մակարդակի իջեցման մասին հարցին՝ նա Գալուզինը նշել է, որ «դա բացառված է»։
«Դեսպանին կանչվել է խորհրդակցությունների, նա հետ չի կանչվել, և Հայաստանը դաշնակից է, ռազմավարական գործընկեր»։
ՌԴ ԱԳՆ ղեկավարի տեղակալի խոսքով՝ «կան հակասություններ, բայց դա չի նշանակում, որ մենք իջեցնում ենք մեր հարաբերությունների մակարդակը»։
ՀՀ պաշտպանության նախարարությունը հայտարարում է 2024 թվականի ամառային զորակոչի ընթացքում շարքային կազմի պարտադիր զինվորական ծառայության զորակոչի ենթակա քաղաքացիներին ԶՈՒ պատվո պահակային վաշտում զինվորական ծառայության նշանակելու նպատակով զորակոչիկների ընտրություն անցկացնելու մասին։
Զորակոչիկների ընտրությունն անցկացվելու է N զորամասում՝ հետևյալ ժամանակացույցով.
ա) 2024 թվականի հուլիսի 9-ին՝ ժամը 10։00-ին, ՊՆ զորակոչային և զորահավաքային համալրման ծառայության Երևանի տարածքային ստորաբաժանումների զորակոչիկներից,
բ) 2024 թվականի հուլիսի 10-ին՝ ժամը 10։00-ին, ՊՆ զորակոչային և զորահավաքային համալրման ծառայության մարզային տարածքային ստորաբաժանումների զորակոչիկներից։
Զինված ուժերի պատվո պահակային վաշտում ծառայել ցանկացող, զորակոչի ենթակա քաղաքացիները դիմումների ներկայացման կամ այլ հարցերի համար կարող են դիմել ՊՆ զորակոչային և զորահավաքային համալրման ծառայության տարածքային ստորաբաժանումներ:
ԱՄՆ-ում բնակություն հաստատած դերասանուհի Անի Երանյանը տատիկներին տարել է Սանտա Մոնիկա, մեքենան կայանելուց րոպեներ անց հետեւի ապակին ջարդել են ու ներսում եղած բոլոր իրերը հափշտակել:
«Շնորհավոր նոր մեքենաս:
Չգիտեմ՝ դուք ոնց, բայց ես նման դեպքերում ասում եմ՝ փառք Աստծուն, որ ամեն ինչ նման ավարտ ունեցավ. կարող էր ավելի վատ բան լինել»,- գրել է նա:
Մանրամասն՝ տեսանյութում
Գեւորգ Գրիգորյանը ֆեյսբուքյան էջում գրել է.
«Մեր երկրի առողջապահական համակարգի թիվ 1 օրհասական խնդիրը բժիշկների երկար եղունգներն ու զարդերն են...
Երբ առաջին անգամ լսեցի՝ միամտորեն չհավատացի, որ լուրջ է, սակայն արի ու տես, որ հենց այս օրհասական խնդրի լուծմամբ են զբաղված մեր առողջապահության փառապանծ նախարարության աշխատակիցները:
Սկսեմ նրանից, որ այս օրենքը ևս չի աշխատելու և այն կարող է դասվել «աղամանների» և «հակածխախոտային» օրենքի շարքին, որպես հերթական անբովանդակ պրոյեկտ:
Շարունակեմ՝ եթե մեր առողջապահության նախարարությունը ունենար գոնե մոտավոր պատկերացում բուժաշխատողի առօրյայի մասին, ապա կիմանար, որ օրինակ վիրահատարանում աշխատող անձնակազմը, պացիենտին ինվազիվ միջամտություններ կատարող բուժանձնակազմը մտապես կարճ եղունգներով են, ոչ թե որովհետև «օրենք կա», այլ որովհետև դա անհարմար է աշխատելու համար... Բուժանձնակազմը հանում է բոլոր զարդերը վիրահատական միջամտութկուն իրականացնելիս, ոչ թե որսվհետև «օրենք կա», այլ որովհետև դա հակասում է ասեպտիկայի և անտիսեպտիկայի կանոններին...
Եվ ավարտեմ՝ օրինակ ինչպե՞ս եք պատկերացնում, որ բուժաշխատողները աշխատանքի ժամանակ հանեն ամուսնության մատանին... Ո՞վ կհանդուրժի դա...
Հ.Գ. ժողովուրդ, ահագին գործ կա անելու ոլորտում և եթե այդքան ռեսուրս ունեք, որ սենց բաներ «վերահսկեք» (չի վերահսկվում ո՛չ «ծխախոտի» օրենքը, ո՛չ էլ «աղամանների» օրենքը), ապա կարող եք իրականում օգտակար նախագծերի վերահսկմանն ու իրականացմանը տրամադրել»։
Նոյեմբերին Նիկոլը կմեկնի Բաքու և կստորագրի «Խաղաղության պայմանագիրը». Զոհրաբյան.
Տեսանյութ
ԱԺ նախկին պատգամավոր Նաիրա Զոհրաբյանը խոսեց Բագրատ Սրբազանի առաջորդած շարժման արձանագած հաջողությունների մասին․ «Բագրատ Սրբազանի գլխավորած շարժմանը հաջողվեց, էսպես ասած, իշխանության բոլտերը թուլացնել ու թելադրել օրակարգ։
Հաջողվեց կլոր սեղանի շուրջ միավորել նախորդ շարժումների ժամանակ միմյանց հետ տարաձայնություններ ունեցող քաղաքական ուժերին․ անտինիկոլ ճամբարում համերաշխության կոնսենսունսը կարելի է համարել կայացած։
Փողոցում տեսնում ենք սոցիալական տարբեր խավերի մարդկանց, ովքեր նախկինում պասիվ դիտորդի կարգավիճակով էին»,- թվեց Զոհրաբյանը։
Ֆոտո
