Ֆրանսիայում շաբաթ օրը՝ նոյեմբերի 7-ին, լայնածավալ բողոքի ակցիաներ են անցկացվել կյանքի թանկացման դեմ և ի աջակցություն երիտասարդության։ Թեև ակցիաները հիմնականում խաղաղ են անցել, ոստիկանությունը հայտնել է ամբողջ երկրում 360 մարդու ձերբակալության մասին, հաղորդում է BFMTV-ն։
Ֆրանսիայի ներքին գործերի նախարարության տվյալներով, ցույցերին մասնակցել է 146 հազար մարդ, մինչդեռ կազմակերպիչները մասնակիցների թիվը գնահատել են 250 հազար։
Ներքին գործերի նախարարության տվյալներով, ակցիաներ են անցկացվել 141 վայրում։ Փարիզում, իշխանությունների գնահատմամբ, փողոց է դուրս եկել 46 հազար մարդ, իսկ կազմակերպիչների հաշվարկներով՝ 75 հազար։ Ամբողջ երկրում անվտանգությունն ապահովել են շուրջ 70 հազար ոստիկան և ժանդարմ։