ՌԴ նախագահի մամուլի քարտուղար Դմիտրի Պեսկովը հայտարարել է, որ ԱՄՆ-ի կողմից նոր հակառուսական պատժամիջոցների սահմանումը կբարդացնի Ուկրաինայի հարցով խաղաղ կարգավորման ուղիների որոնումը։
«Ռուսաստանն ԱՄՆ-ի կողմից «դժոխային պատժամիջոցների» մասին օրենքի ընդունումը դիտարկում է որպես ոչ բարեկամական քայլ։ Նոր պատժամիջոցները կբարդացնեն Ուկրաինայում խաղաղ կարգավորման ուղղությամբ գործադրվող ջանքերը»,- լրագրողների հետ զրույցում ասել է Պեսկովը։
Նրա հայտարարությունը հնչել է այն ժամանակ, երբ ԱՄՆ Ներկայացուցիչների պալատը հաստատել է Ռուսաստանի դեմ պատժամիջոցների նոր լայն փաթեթ, որն այժմ պետք է ստորագրի ԱՄՆ նախագահը։