Պեկինում արտակարգ պատահար է տեղի ունեցել. թեթև շարժիչով ինքնաթիռը բախվել է 109-հարկանի «China Zun» երկնաքերին, որը հայտնի է նաև որպես «CITIC» աշտարակ։ Միջադեպը տեղի է ունեցել Չաոյանի կենտրոնական գործարար թաղամասում, որտեղ գտնվում է 528 մետր բարձրություն ունեցող այս շենքը, գրում է The Sun-ը։
Բախման հետևանքով օդանավը լիովին ավերվել է, իսկ շենքի առնվազն երկու պատուհան ջարդվել է։ Ականատեսները հայտնում են, որ վթարի վայրի վերևում խիտ ծուխ է բարձրացել, իսկ ինքնաթիռի բեկորները ցրված են աշտարակի առաջին հարկի մոտ։
Շենքից անհապաղ իրականացվել է լայնածավալ տարհանում, սակայն տուժածների և զոհերի ստույգ թիվը դեռևս անհայտ է։ Փրկարարական ծառայությունները շարունակում են աշխատել դեպքի վայրում՝ ճշտելով տեղի ունեցածի հանգամանքները։ Այն պատճառները, թե ինչու է օդաչուն ինքնաթիռն ուղղել դեպի երկնաքերը, դեռ պետք է պարզվեն։