ԱՄՆ Սենատի արտաքին հարաբերությունների հանձնաժողովը մասնավոր ընկերություններին և նախագահ Դոնալդ Թրամփի վարչակազմին նամակներ է ուղարկել՝ պահանջելով պահպանել փաստաթղթերը, որոնք կարող են անհրաժեշտ լինել ապագա հետաքննությունների համար, հայտնել է հեռուստաալիքը՝ վկայակոչելով դեմոկրատ սենատորի օգնականին։
Հեռուստաալիքի տվյալներով՝ նամակներից մեկն ուղարկվել է SpaceX-ի ղեկավար Իլոն Մասկին և վերաբերում է Ուկրաինայում Starshield ռազմական կապի արբանյակային համակարգի աշխատանքի սահմանափակումներին։ Մյուս նամակներն ստացել են ռուսական դիզելային վառելիքի գործարքի հետ առնչություն ունեցող նավահանգիստները, բանկերն ու մասնավոր ընկերությունները։
Սենատորի օգնականը պարզաբանել է, որ նման նամակները ստանդարտ ընթացակարգ են՝ ուղղված այն փաստաթղթերի պահպանման ապահովմանը, որոնք կարող են նշանակություն ունենալ հնարավոր հետաքննությունների համար։ Նյութերը պահպանելու պահանջն ինքնին չի նշանակում, որ դրանց հասցեատերերը մեղավոր են ճանաչվել որևէ խախտման մեջ։
Նոյեմբերի 3-ի միջանկյալ ընտրություններում հաղթանակից հետո դեմոկրատները պատրաստվում են ուժեղացնել Թրամփի վարչակազմի գործողությունների նկատմամբ վերահսկողությունը։ 2027 թվականի հունվարին նրանք վերահսկողություն կստանան Կոնգրեսի երկու պալատների նկատմամբ և հնարավորություն կունենան ավելի ակտիվորեն հետաքննություններ անցկացնել ու փաստաթղթեր պահանջել վարչակազմի ներկայացուցիչներից և մասնավոր կազմակերպություններից։