Հայաստանի քրեակատարողական հիմնարկներում այժմ պահվում է 1718 դատապարտյալ և 1522 կալանավոր։ Այս մասին նոյեմբերի 3-ին խորհրդարանի մշտական հանձնաժողովների համատեղ նիստում՝ 2027 թվականի պետական բյուջեի նախագծի քննարկման ժամանակ, հայտարարել է արդարադատության նախարար Սրբուհի Գալյանը։
«Վերջին հինգ տարիներին մենք նման քանակական ցուցանիշներ չենք ունեցել։ Սա վկայում է կալանավորումների թվի որոշակի նվազման, ինչպես նաև այն մասին, որ դատական ակտերն ավելի հաճախ են կայացվում և ավելի կարճ ժամկետներում օրինական ուժի մեջ մտնում։ Այլ կերպ ասած՝ եթե կալանավորված անձի վերաբերյալ պետք է դատական որոշում կայացվի, ապա դա տեղի է ունենում զգալիորեն ավելի արագ, քան նախկինում», – ասել է Գալյանը։
Նախարարը նաև նշել է, որ դատապարտյալների և կալանավորված անձանց պահման պայմանների բարելավման շրջանակում քրեակատարողական հիմնարկներում մի շարք վերանորոգման աշխատանքներ են իրականացվել։