Իսրայելի վարչապետ Բենիամին Նեթանյահուն կիրակի հայտարարել է, որ թույլ չի տա Իրանի կողմից միջուկային զենքի ձեռքբերումը՝ անկախ ԱՄՆ-ի և արաբական երկրների հետ դիվանագիտական բանակցությունների ընթացքից, հաղորդում է Reuters-ը։
«Ուզում եմ ևս մեկ անգամ ընդգծել՝ համաձայնագրով թե առանց համաձայնագրի, քանի դեռ ես վարչապետ եմ, Իրանը չի ունենա միջուկային զենք», — կառավարության նիստում ասել է Նեթանյահուն։
Իսրայելի վարչապետը վաղուց պնդում է, որ Թեհրանը ձգտում է ձեռք բերել միջուկային զենք, ինչը Իրանը բազմիցս հերքել է։
Իրանի միջուկային ծրագրի հարցը մնում է Իսրայելի և Իրանի հարաբերություններում լարվածության հիմնական գործոններից մեկը, ինչպես նաև Վաշինգտոնի դիվանագիտական ջանքերի առարկա։