Ավտոմեքենաների վարորդները հաճախ բախվում են իրավիճակի, երբ յուղը փոխելուց հետո շարժիչից կամ ավտոմատ փոխանցման տուփից անսովոր ձայներ են լսվում։
«Ավտոսերվիս» հաղորդաշարի եթերում փորձագետ Արման Հակոբյանը պարզաբանում է` խնդիրը միշտ չէ, որ նոր յուղի կամ այն փոխած վարպետի մեղքով է առաջանում։
Մասնագետի խոսքով՝ վարորդները հաճախ սխալվում են՝ առաջնորդվելով միայն կիլոմետրերով։
«Երևանի խցանումներում 5-7 կմ ճանապարհը երբեմն տևում է երկու ժամ, իսկ շարժիչն այդ ամբողջ ընթացքում աշխատում է»,– ասում է նա։
Հակոբյանն ընդգծում է, որ մեր պայմաններում ավելի ճիշտ է հաշվել ոչ թե միայն կիլոմետրը, այլ շարժիչի աշխատանքի ժամերը կամ յուղը փոխել առնվազն վեց ամիսը մեկ։