Վտանգավոր մեդուզաներ են հայտնվել Իսրայելի ափերին

^{Հայֆա քաղաքի Մարինե հետազոտությունների ազգային ինստիտուտի գիտնականները զգուշացրել են Իսրայելի լողափերում կենտրոնացած տասնյակ միլիոնավոր մեդուզաների մասին: Նրանք շարժվում են հարավից դեպի հյուսիս ամբողջ ափի երկայնքով:}

^{Նրանց վերաբերյալ բազմաթիվ հաղորդագրություններ է հրապարակել meduzot.co.il մասնագիտացված կայքը:}

^{Այս տարի բազմաթիվ լողափերում հայտնվել են վտանգի մասին նախազգուշացնող մանուշակագույն դրոշներ: Ըստ հետազոտողների՝ լողափերը ողողել են Pelagia noctiluca և Ropilema nomadica տեսակի մեդուզաներ, որոնք վտանգավոր են մարդու առողջության համար, գրում է 1in.am:}

^{Նրանց շոշափուկներին կպչելը կարող է հանգեցնել մաշկի ծանր այրվածքների և ալերգիայի: Նրանք նաև ջրում արտազատում են խայթող բջիջներ, որոնք վտանգավոր են նույնիսկ առանց անմիջական շփման: Եթե այն ընկնի աչքի մեջ, ապա դա կարող է հանգեցնել կուրության:}

^{Բժիշկները խորհուրդ են տալիս լվանալ այրվածքի տեղը քացախով կամ կիտրոնի հյութով: Թարմ ջուրը այս դեպքում անարդյունավետ է: Իսրայելցի փրկարարները դա գիտակցում են, և առաջին օգնության հավաքածուները հագեցած են անհրաժեշտ միջոցներով:}