Նա մոլորակի ամենահարուստ բնակիչն է

Tesla-ն ղեկավարող և Դոնալդ Թրամփի վարչակազմում ԱՄՆ կառավարության արդյունավետության բարձրացմանն ուղղված գերատեսչության աշխատանքը համակարգող Իլոն Մասկը ճանաչվել է Forbes-ի կողմից հրապարակված աշխարհի ամենահարուստ բնակիչների թվով 39-րդ ցուցակի առաջատարը:

Գործարարի կարողությունն այժմ գնահատվում է 342 միլիարդ դոլար:

Լավագույն եռյակում են նաև գրեթե հավասար կարողությամբ Meta կորպորացիայի ղեկավար Մարկ Ցուկերբերգը՝ 216 միլիարդ դոլարով և Amazon-ի հիմնադիր Ջեֆ Բեզոսը՝ 215 միլիարդ դոլարով:

Անցյալ տարի վարկանիշը գլխավորող LVMH ընկերությունների խմբի սեփականատեր Բեռնար Առնոն 2025 թվականին հայտնվել է միայն հինգերորդ տեղում՝ 178 միլիարդ կարողությամբ։