Իսրայելի Ազգային անվտանգության հարցերով պետական շտաբը «զբոսաշրջային նախազգուշացում» է հրապարակել, որում ներկայացված է այն երկրների ցանկը, որտեղ պետությունն իր քաղաքացիներին խորհուրդ չի տալիս այցելել հրեական թիշրի ամսվա (սեպտեմբեր-հոկտեմբեր) տոնական օրերին, հայտնել է իսրայելական 9tv-ն:
Ցանկում նշված են 6 «թշնամի» պետությունների անուններ, որտեղ մուտքն Իսրայելի քաղաքացիների համար օրենքով արգելված է: Նշված պետություններն են` Իրանը, Իրաքը, Եմենը, Սիրիան, Լիբանանը, Սաուդյան Արաբիան: «Վտանգավոր» երկրների շարքում նշված են նաև այն երկրները, որոնք գտնվում են «թշնամի» երկրների հարևանությամբ:
«Խորհուրդ չի տրվում այցելել Իրանը և, ընդհանուր առմամբ, Մերձավոր Արևելքը շրջապատող երկրներ՝ Վրաստան, Հայաստան, Ադրբեջան, Թուրքմենստան, Պարսից ծոցի երկրներ, Աֆրիկա, Կենտրոնական և Հարավարևելյան Ասիա»,- մասնավորապես հայտնել է 9tv հեռուստաալիքը:
Իսրայելի Ազգային անվտանգության հարցերով պետական շտաբը խորհուրդ չի տալիս այցելել նաև Թուրքիա, Եգիպտոս և Հորդանան, քանի որ նշված երկրներում ջիհադականները հրեաների վրա հարձակման զարգացած ցանց ունեն:
0Comments