Իրաքն Իրանի հետ առեւտրի համար հատուկ ֆինանսական մեխանիզմ կստեղծի

^{Իրաքն Իրանի հետ առեւտրի համար սեփական հատուկ ֆինանսական մեխանիզմը (SPV) կստեղծի, որը թույլ կտա մարել պարտքն ու շարունակել կենսական կարեւորության գազի եւ էլեկտրաէներգիայի ներմուծումը, հաղորդում է Mehr-ը:} 

^{Իրաքցի 3 բարձրաստիճան պաշտոնյաների խոսքով՝ այժմ երկիրը ֆինանսական մեխանիզմ է մշակում, որը նման է եվրոպական ֆինանսական մեխանիզմին:}

^{Իրաքը կախում ունի իրանական գազից եւ էլեկտրաէներգիայից եւ փորձում է խուսափել էլեկտրաէներգիայի պակասի առնչությամբ բողոքի բռնի ցույցերի կրկնությունից: Անցած տարի բողոքի ցույցեր էին տեղի ունեցել Բասրայում եւ այլ քաղաքներում: Այժմ Իրաքը չմարված 2 մլրդ դոլարի պարտք ունի: Այս մասին հայտարարել է Իրանի նավթի նախարար Բիջան Նամդար Զանգանեն:}

^{Նոր մեխանիզմը թույլ կտա մարել այդ պարտքը: Իրաքյան SPV, հավանաբար, կստեղծվի Իրաքի Առեւտրային բանկում:}

^{Պաշտոնյաներից մեկի խոսքով՝ Իրաքը նոր մեխանիզմի շրջանակում «Իրանի բանկոմատը» կդառնա:}