Հայաստանում կա վթարային վիճակում գտնվող մոտ 90 շենք։ Դրա մասին սեպտեմբերի 11-ին, կառավարության ժամին Ազգային ժողովի նիստում պատասխանելով պատգամավորների հարցերին հայտարարել է ՀՀ տարածքային կառավարման և ենթակառուցվածքների նախարար Գնել Սանոսյանը։
«Մենք բազմիցս քննարկել ենք այդ հարցը։ Մի անգամ նույնիսկ Գյումրու համար նախագիծ էինք պատրաստել։ Խոսքը, մասնավորապես, Անտառային փողոցի շենքերի մասին էր։ Սակայն հանձնաժողովներում քննարկումների ժամանակ տրվեց հետևյալ, միանգամայն հիմնավոր հարցը. «Լավ։ Եթե այս մեկ շենքի խնդիրը լուծենք, մնացած շենքերի հետ ի՞նչ ենք անելու։ Ի՞նչ քաղաքականություն պետք է իրականացնենք»,-նշել է Սանոսյանը։
Այդ առնչությամբ կառավարությունը որոշել է հաշվառում անել, համապատասխան դասակարգում իրականացնել, և բոլոր վթարային շենքերը ներառել հատուկ ցանկում։ Առկա խնդիրների լուծման համար պետբյուջեից կհատկացվեն համապատասխան ֆինանսական միջոցներ։ Ընդ որում՝ կոնկրետ գումարի մասին չի բարձրաձայվել։
0Comments