Հիմա դուք ինձ մեղադրում եք, որ ես ոչ թե դատարանների դռների հետեւում եմ ինչ-որ բան անում, այլ առաջ եմ, այո, դատարանների դռները փակում էինք, բայց դա արել ենք բոլորի աչքի առաջ։ Այս մասին այսօր՝ հուլիսի 25-ին, մամուլի ասուլիսի ժամանակ ասաց Նիկոլ Փաշինյանը՝ պատասխանելով հարցին, թե ինչու է գործադիրը դատական իշխանության նկատմամբ ճնշումներ գործադրում։
«Կառավարութունը դատական համակարգի անկախացման համար բարձրացնում է դատավորների աշխատավարձերը, որ դատավորները սոցիալական պաշտպանվածության ավելի բարձր մակարդակ ունենան։ Մի ասուլիսում լրագրողն ասում է՝ ինչո՞ւ վեթինգ չարեցիք, այդ կոռումպացված դատավորները ինչո՞ւ են մինչեւ հիմա իրենց տեղերում, մյուսը մեջբերում է դատավորների եվրոպական կազմակերպության հայտարարությունը, որ դատավորներին ճնշում են, ինչո՞ւ ազատության մեջ չեմ։ Ի՞նչ եք ակնկալում ինձնից։ Այո, ՀՀ-ում կան դատավորներ, որոնք ոչ թե ընտրովի, այլ հանձնարարովի արդարադատություն են իրականցնում։ Կան դատավորներ, որոնք ինչ որոշում ասես կարող են կայացնել, ես համոզվել եմ այս հինգ տարիների ընթացքում՝ կան դատավորներ, որոնք որեւէ սահմանափակում չունեն։ Իրենց որոշում ոչ տրամաբանություն, որ օրենսդրության ոչ էլ բարոյականության հետ կարող է կապ չունենալ։ Այդ մարդիկ չեն կարող լինել դատավոր»,- ասաց Փաշինյանը։
Հարցին, թե ընդդիմադիր Նիկոլ Փաշինյանն ինչպես կգնահատեր այժմյան իշխանության ճնշումները դատական իշխանության նկատմամբ, Փաշինյանը պատասխանեց․ «Ըննդիմադիր Նիկոլ Փաշինյանին թողնենք իր գործին, ես հիմա ընդդիմադիր Նիկոլ Փաշինյանը չեմ։ Ես հիմա էլ բարձրաձայնում եմ, որ մեր դատական համակարգում կա անկախության խնդիր, ո՞վ չգիտի այդ մասին։ Այդ խնդիրները պետք է լուծենք»։
Լրագրողի դիտարկմանը, թե վախ չունի, որ մի օր էլ իր սրտի դատավորները կարդալու են իր դատավճիռը, Փաշինյանն արձագանքեց․ «Վախ չունեմ, ունեմ արդարության մեծ ձգտում եւ գիտակցում եմ՝ եթե մի բան արել եմ կամ անելու եմ, որը իմ սրտի կամ ոչ իմ սրտի դատավորների կողմից քննության կարժանանան»։
0Comments