Իրանն այսօր պաշտոնապես գործարկել է առաջին օդային տաքսին՝ բացելով ազգային ավիացիայի զարգացման նոր էջ: Այս մասին հայտնում է իրանական IRNA–ն:
Նշվում է, որ հանդիսավոր արարողության ընթացքում ԻԻՀ նախագահ Մասուդ Փեզեշքիանը հանդես է եկել տեսաուղերձով:
Օդային տաքսիների առաջին թռիչքը միացրել է Քերեջ և Ղազվին քաղաքները՝ սկիզբ դնելով կանոնավոր փոխադրումներին։
Հատուկ տնտեսական գոտու և միջազգային օդանավակայանի գլխավոր տնօրեն Փայամ Մոհսեն Հասանլուն ընդգծել է այդ իրադարձության կարևորությունը երկրի ավիացիոն ոլորտի համար:
«Օդային տաքսու գործարկելը կարևոր ձեռքբերում է, որը մեծ հեռանկարներ է խոստանում»,– հայտարարել է նա:
Հասանլուի խոսքով՝ տրանսպորտի նոր տեսակը կնպաստի Փայամի հատուկ տնտեսական գոտում նոր ներդրումների ներգրավմանը, ազգային տնտեսության խթանմանը և Ալբորզ նահանգի զարգացմանը:
Այս ծառայությունը թույլ կտա հանրությանն օգտվել ավիափոխադրումներից, իսկ ներդրողներին նոր հնարավորություններ կընձեռի։
«Օդային տաքսիների ներդրումը առանցքային դեր կխաղա քիչ բեռնված օդային երթուղիների աշխուժացման գործում»,– նշել է Հասանլուն:
Իրանում առաջին օդային տաքսու գործարկումը դիտարկվում է որպես նշանակալի քայլ երկրի տրանսպորտային ենթակառուցվածքների արդիականացման և ավիացիոն ծառայությունների հասանելիության ընդլայնման գործում:
Latest from Live24
- Ռուսաստանն Օբամայի օրոք ԱՄՆ-ից գnղացել է հիպերձայնային hրթիռների տեխնոլոգիան. Թրամփ
- Ռուսաստանում թուրքը դանակահարել է 3-ամյա որդուն՝ նրա ծննդյան օրը, և կտրել կնոջ կոկորդը
- Հնդիկ սահմանապահները պակիստանցու են գնդակահարել
- Թուրքիայի ԱԳ նախարարը հանդիպում կունենա Պուտինի հետ
- Եվրահանձնաժողովը Հունգարիայից պահանջում է հետ կանչել օտարերկրյա գործակալների մասին օրինագիծը
- Ծննդաբերելու նպատակով Միացյալ Նահանգներ զբոսաշրջային վիզայով չի թույլատրվում մեկնել
- Տղե՛րք, դուք հաստա՞տ հետընտրական համագործակցության ջատագով եք
- Դիլիջան-Երևան ավտոճանապարհին կցորդիչով բեռնատարը կողաշրջվել է