Եվրոպական միությունը կարող է կասեցնել մուտքի/ելքի նոր համակարգի (EES) ներդրումը՝ սահմաններում լրացուցիչ բարդություններից խուսափելու համար, հաղորդում է Independent-ը։
ԵՄ-ն փուլ առ փուլ ներդնում է սահմանային հսկողության իր նոր համակարգը՝ անձնագրերում կնիքների ձեռքով դրման հին գործընթացը փոխարինելով Եվրոպա ժամանող ճանապարհորդների կենսաչափական տվյալների գրանցմամբ։
Սակայն այս համակարգն արդեն կոչ են անում չեղարկել՝ օդանավակայաններում մեծ հերթերի և քաոսի պատճառով։
Եվրահանձնաժողովի ներկայացուցիչ Ապոստոլոս Ցիցիկոստասը մասնավոր կարգով հավաստիացրել է, որ ստուգումները կկասեցվեն։
Եվրոպական մուտքի/ելքի համակարգը (EES) միայն ապրիլից է սկսել լիարժեք գործել և տարածվում է Շենգենյան գոտու բոլոր 29 երկրների վրա, որոնց մեծ մասը ԵՄ անդամ պետություններ են։ Համակարգի հետագա ներդրումը սպասվում է աշնանը։
Նոր համակարգը պահանջում է, որ ճանապարհորդները ԵՄ ժամանելուն պես գրանցեն իրենց կենսաչափական տվյալները, օրինակ՝ մատնահետքերն ու լուսանկարը, փոխարինելով անձնագրերում կնիքների ձեռքով դրման նախկին համակարգը։
EES քարտի առկայությունը պարտադիր է բոլոր այն ուղևորների համար, որոնք ԵՄ քաղաքացիներ չեն և մուտք են գործում Շենգենյան գոտու երկրներ կամ դուրս են գալիս դրանցից։