Սև ծովում՝ Թուրքիայի Դյուզջե նահանգի ափերի մոտ, ենթադրաբար անօդաչու թռչող սարք է հայտնաբերվել։ Այս մասին հայտնում է IHA գործակալությունը։
«Ոստիկանությունն ու ափամերձ պահպանությունը շրջափակել են տարածքը և զննելու են օբյեկտը, որպեսզի պարզեն դրա ծագումը և հասկանան, թե կոնկրետ ինչ ԱԹՍ-ի մասին է խոսքը»,- գրում է լրատվամիջոցը։
Կասկածելի օբյեկտը նկատել են «Չինար» լողափում հանգստացող տեղաբնակները։