Վրաստանի խոշորագույն ընդդիմադիր «Միասնական ազգային շարժում» (ՄԱՇ) կուսակցությունը անցկացրել է 13-րդ համագումարը՝ հաստատելով ժամանակավոր ղեկավար կառույց։ Առաջիկա վեց ամիսներին կուսակցությունը կղեկավարի Իրակլի Պավլենիշվիլիի գլխավորած խորհուրդը՝ նախկին ղեկավար Տինա Բոկուչավայի լիազորությունների ավարտից հետո։
Զուգահեռաբար ստեղծվում է անկախ «Բարեփոխիչների խորհուրդ», որը պարտադիր բնույթ ունեցող հանձնարարականներ կմշակի կուսակցության հետագա ուղու համար։
Այն կգլխավորի բանտում գտնվող կուսակցության հիմնադիր Միխայիլ Սահակաշվիլին, իսկ գլխավոր քարտուղարը կլինի հայտնի հեռուստահաղորդավարուհի Նանուկա Ժորդոլիանին։
Վերակառուցումն ուղեկցվում է ներքին տարաձայնություններով և իշխող «Վրացական երազանքի» կողմից գործադրվող իրավական ճնշումներով։