CNN-ի նախկին աստղ, այժմ մրցանակակիր լրագրող և վավերագրական ֆիլմերի ռեժիսոր Բրուք Բոլդուինը անկեղծ խոստովանություն է արել Substack բլոգային հարթակի իր էջում։
Նա պնդում է, որ վերջերս ծանոթությունների կայքում հանդիպել է չորս համապատասխան ամուրիների, որոնցից մեկը մի ժամանակ «ղեկավարել է երկիրը»։
«Վերջերս ես հայտնվեցի մի իրավիճակում, երբ հնարավորություն ունեցա քնել չորս տարբեր տղամարդկանց հետ», – գրում է 47-ամյա Բոլդուինը։ «Մեկը թռավ պարզապես ինձ հետ ճաշելու համար։ Երկրորդը նախկինում ղեկավարում էր երկիրը։ Եվ երրորդը… նա պարզապես աներևակայելի գրավիչ էր»։
Այնուամենայնիվ, չնայած սկզբում ուշադրությունից շոյված լինելուն, հեռուստահաղորդավարուհին որոշել է մերժել բոլոր չորս առաջարկները։
Լրագրողն ընդգծել է, որ ինքը սեքսուալ աառումով դրական է տրամադրված, բայց իր կյանքի այս փուլում նրան բազմաթիվ հարաբերություններ պետք չեն։
«Ես չափազանց շատ եմ գնահատում այն, ինչ հիմա կառուցում եմ, որպեսզի թույլ տամ, որ իմ էներգիան ցրվի տասնյակ տարբեր ուղղություններով», – բացատրել է նա։
Բոլդուինը, որը 2023 թվականին ամուսնալուծվել էր բրիտանացի ռեժիսոր Ջեյմս Ֆլետչերից, վստահեցրել է ընթերցողներին, որ իր վերաբերմունքը մտերմության նկատմամբ չի փոխվել. նա դեռ սիրում է սեքսը և համեմատում այն «թթվածնի» հետ։
«Տղաներ, գիտեք… ես սիրում եմ սեքսը։ Եվ եթե թույլ տաք ինձ այդքան համարձակ լինել, ասեմ՝ ես շատ լավ եմ դրանում… Այնպես որ, պատահական սեքսը լիովին բանակցելի է։ Ես շատ եմ մտածել դրա մասին։ Դա կարող է ազատագրող լինել։ Այն գրեթե անկասկած հաճելի կլինի։ Ի վերջո, ես մեծահասակ կին եմ՝ ընտրության հնարավորություններով»։
Այնուամենայնիվ, Բոլդուինը պետության խորհրդավոր նախկին առաջնորդին և մյուս փեսացուներին մերժելու որոշումը համարում է ոչ թե «ինքնապատիժ», այլ «այն կյանքի պաշտպանություն, որը նա այժմ ստեղծում է իր համար»։