Նորաձևության Vogue ամսագիրը հայտարարել է 2026 թվականի ամենաոճային շան՝ Dogue մրցույթի հաղթողին։
Մրցույթին մասնակցելու հայտեր էին ներկայացվել հազարավոր մարդկանց կողմից, որոնք իրենց շների լուսանկարներն էին ուղարկել։ Մրցույթի ժյուրին հաղթողին ընտրել է՝ հաշվի առնելով լուսանկարի կոմպոզիցիան, լուսանկարի միջոցով շան բնավորության փոխանցումը և «dogueness» չափանիշը, որն արտացոլում է կենդանու համապատասխանությունը նորաձևության ամսագրի ոգուն։
2026 թվականի հաղթող է դարձել Սըր Սփադ անունով իտալական փոքրիկ գորշավազը, որը ժյուրիին գրավել է իր «կատարյալ հանգստությամբ» և խորաթափանց հայացքով։
Vogue-ը հայտնել է, որ հաղթող շունը կհայտնվի Dogue ամսագրի շապիկին։ Ամսագիրը նվիրված է նորաձևության աշխարհում գտնվող ընտանի կենդանիներին։