Ուկրաինայի նախագահ Վլադիմիր Զելենսկին Իրինա Մուդրային ազատել է իր գրասենյակի ղեկավարի տեղակալի պաշտոնից, հաղորդում է «Ուկրաինական պրավդա»-ն։
Ավելի վաղ հաղորդվել էր, որ Մուդրայի մոտ իրավապահները խուզարկություններ են անցկացնում։
Առավոտյան աղբյուրները հայտնել էին, որ հատուկ գործողության շրջանակում խուզարկություններ են անցկացվել պատգամավոր Վադիմ Ստոլարի և Իրինա Մուդրայի մոտ։ Ստոլարը ավելի ուշ հաստատել է, որ իր տանը քննչական գործողություններ են ընթանում՝ հավաստիացնելով, որ համագործակցում է իրավապահների հետ։