ԱՄՆ նախագահ Դոնալդ Թրամփը հայտարարել է, որ Վաշինգտոնը շարունակում է Իրանի հետ բանակցություններ, թեև Թեհրանը հերքում է դա։
Ավելի վաղ Իրանի ԱԳՆ պաշտոնական ներկայացուցիչ Իսմայիլ Բաղային հայտնել էր, որ հանրապետությունը Հորմուզի նեղուցի հարցը քննարկում է միայն Օմանի հետ և ուղիղ բանակցություններ չի վարում Ամերիկայի Միացյալ Նահանգների հետ:
«Նրանք հանդիպում են խնդրում, ինչպես ոմանք կասեին, աղաչում են, բանակցություններ են սկսվում, առաջիկայում նախատեսվում են հետագա բանակցություններ, և նրանք բացահայտ և հպարտորեն ասում են, որ չեն խորհրդակցում, որ ոչինչ չի քննարկվում, և որ միայն Օմանի հետ են համագործակցում»,– գրել է ամերիկացի առաջնորդը սոցցանցում:
Նա պնդել է, որ Հորմուզի նեղուցը լիովին վերահսկվում է ամերիկյան ռազմածովային ուժերի կողմից, և կրկին ընդգծել, որ Իրանը չպետք է միջուկային զենք ունենա։