Մոսկվաբնակ փականագործը ինտերնետ գուշակին մեկուկես միլիոն ռուբլի է տվել՝ թուղթ ու գիրը հանելու համար։ Դա «սխալ» էր արվել և կարող էր սպանել նրա նախկին ընկերուհուն։ Այս մասին գրում է «Baza» տելեգրամ ալիքը։
«Հունվարի վերջին 26-ամյա փականագործ Դմիտրին առցանց խաղում ծանոթացել էր Մինսկի երիտասարդ բնակչուհու հետ: Մայիսին նա գնաց նրա մոտ՝ Բելառուս, և զույգը սկսեց հանդիպել: Սիրավեպը շատ կարճ ստացվեց. արդեն հունիսի վերջին աղջիկը հեռացավ Դմիտրիից՝ չբացատրելով բաժանման պատճառը:
Տղան օրինաչափորեն մտածեց, որ ինչ-որ մեկը թուղթ ու գիր է արել իր վրա և գտավ նման խնդիրների մեջ մասնագիտացած գուշակուհու կայքը: Օգոստոսի սկզբին Դմիտրին նրան տեղեկություններ ուղարկեց իր և նախկին ընկերուհու մասին, և վերջինս հաստատեց թուղթ ու գիրի փաստը: Ավելին, ըստ նրա, դա պատշաճ չի արվել և ժամանակի ընթացքում կարող է վատ ազդեցություն ունենալ նախկին ընկերուհու վրա։
Տղան վախեցավ և 1,6 միլիոն ռուբլի փոխանցեց մասնագետին թուղթ ու գիրը վերացնելու համար։ Ժամանակ անցավ, ոչ փողը, ոչ նախկին ընկերուհին այդպես էլ չվերադարձան Դմիտրիի մոտ։ Հետո նա դարձյալ օրինաչափորեն մտածեց, որ իրեն խաբել են, և դիմեց ոստիկանություն»,-գրում է տելեգրամ ալիքը։
0Comments