Գերմանական Lufthansa ավիաընկերությունը մինչև հոկտեմբերի 24-ը չեղարկել է Մերձավոր Արևելք բազմաթիվ չվերթներ՝ դեպի Աբու Դաբի, Ամման (Հորդանան) և Մասկատ (Օման): Դուբայ և Թել Ավիվ չվերթները չեղարկվել են միայն մինչև մայիսի 31-ը, սակայն այդ ժամկետը հնարավոր է երկարաձգվի, գրում է Bild-ը:
Չեղարկված չվերթների ուղևորները կկարողանան անվճար վերամրագրել իրենց տոմսերը կամ ստանալ ամբողջական փոխհատուցում: Նրանք, ովքեր ամրագրել են տոմսեր տուրիստական գործակալությունների միջոցով, պետք է անմիջապես կապվեն դրանց հետ:
Նման երկարաժամկետ չեղարկումները անակնկալ են դարձել, քանի որ նախկինում չվերթները սովորաբար չեղարկվում էին միայն մեկնումից կարճ ժամանակ առաջ: Lufthansa-ն դա բացատրում է անձնակազմի համար հուսալի թռիչքների պլանավորման և ժամանակացույցի անհրաժեշտությամբ: