Ռուսաստանի Վոլգոգրադի մարզի նահանգապետ Անդրեյ Բոչարովը հայտնել է տարածաշրջանի վրա անօդաչու թռչող սարքերի (ԱԹՍ) հարձակման հետմղման մասին, հաղորդում է Կոմերսանտը:

ԱԹՍ-ների բեկորների ընկնելու հետևանքով հրդեհ է բռնկվել Օկտյաբրսկի շրջանի նավթաբազայում։

«Մոտակա տների բնակիչների տարհանման անհրաժեշտության դեպքի համար պատրաստության է բերվել Օկտյաբրսկի թիվ 2 դպրոցում գտնվող ժամանակավոր տեղավորման կետը։ Ըստ նախնական տվյալների՝ տուժածներ չկան»,- հայտնել է Բոչարովը։ Նրա խոսքերը մեջբերում է մարզային վարչակազմի մամուլի ծառայությունը։

Ավելի վաղ Վոլգոգրադի օդանավակայանը ժամանակավորապես դադարեցրել էր աշխատանքը։