Մադրիդի «Ռեալի» աստղային հարձակվող Կիլիան Մբապեն արդեն միացել է թիմին Սաուդյան Արաբիայում՝ մասնակցելու Իսպանիայի Սուպերգավաթի խաղարկության եզրափակչին։ 

MadridistaReal-ի հաղորդմամբ՝ ֆրանսիացի ֆուտբոլիստը Ջիդդա է ժամանել մասնավոր ինքնաթիռով։ Մբապեն արդեն մրցավայրում է և սոցիալական ցանցերում կատարել է հետևյալ գրառումը. «Salam Alaikoum, Saudi Arabia», ինչով փաստել է իր ներկայությունը։

Ըստ աղբյուրների՝ վերջին ժամերին Կիլիանը ինտենսիվ մարզումներ է կատարել և լրջորեն զբաղվել է իր ֆիզիկական վիճակով, որպեսզի լիովին պատրաստ լինի կատալոնացիների դեմ սպասվող սկզբունքային մրցավեճին։

Սուպերգավաթային «Էլ Կլասիկոն» կկայանա կիրակի՝ հունվարի 11-ին, Երևանի ժամանակով՝ 23։00-ին։

Հիշեցնենք, որ նախորդ խաղարկության եզրափակչում «կապտանռնագույնները» 5-2 հաշվով առավելության հասան «սերուցքայինների» նկատմամբ։