Բելգիան չորեքշաբթի օրը մերժել է սառեցված ռուսական ակտիվներն օգտագործելու ծրագիրը՝ առաջիկա երկու տարիների ընթացքում Ուկրաինայի տնտեսությանը և ռազմական գործողություններին աջակցելու համար՝ հայտարարելով, որ այս սխեման կապված է լուրջ ֆինանսական և իրավական ռիսկերի հետ, հայտնում է Associated Press-ը։

Բրյուսելում ՆԱՏՕ-ի կենտրոնակայանում լրագրողների համար նախապես պատրաստված ելույթները կարդալու ժամանակ՝ Պրևոստը կակազելով կոչ է արել ԵՄ-ին միջազգային շուկաներից փոխառություն վերցնել Ուկրաինայի համար։ 

«Դա հայտնի, հուսալի և հաստատված տարբերակ է՝ կանխատեսելի պարամետրերով», - ասել է նա։

Ուկրաինայի բյուջեն և ռազմական պահանջները 2026 և 2027 թվականների համար գնահատվում են ընդհանուր առմամբ մոտավորապես 130 միլիարդ եվրո (150 միլիարդ դոլար): Եվրամիությունը պարտավորվել է լրացնել այս բացը:

2022 թվականին պատերազմի սկսվելուց ի վեր այն արդեն ավելի քան 170 միլիարդ եվրո (197 միլիարդ դոլար) է ներդրել: Հասանելի կանխիկի ամենամեծ գումարը գալիս է սառեցված ռուսական ակտիվներից: 

Գումարի մեծ մասը պահվում է Բելգիայում՝ հունիսի դրությամբ մոտ 194 միլիարդ եվրո, ինչպես նաև ԵՄ-ից դուրս՝ Ճապոնիայում (մոտ 50 միլիարդ դոլար), ԱՄՆ-ում, Մեծ Բրիտանիայում և Կանադայում՝ ավելի փոքր գումարներով։