Դեկտեմբերի 12, 2025
Ի՞նչն է նպաստելու 2026 թ-ին արդյունաբերության աճին. ՀՀ ֆինանսների նախարարի պատասխանը
ՀՀ–ում արդյունաբերության աճը 2026 թ. առաջանցիկ է լինելու ու միջինում կազմելու է 6.8 տոկոս։ ՀՀ պետական բյուջեի վերանայված նախագծում նշված այս ցուցանիշը զարմացրել է «Հայաստան» խմբակցության պատգամավոր Արթուր Խաչատրյանին։
«Ո՞ր լոկոմոտիվ ձեռնարկությունների մասին է խոսքը, որոնք վերջին տարիների արդյունաբերության անկման պայմաններում կամ շատ ավելի դանդաղ աճի պայմաններում ապահովել են ավելի բարձր, առաջանցիկ աճի տեմպեր»,– այսօր ԱԺ–ում հարց ուղղելով ՀՀ ֆինանսների նախարար Վահե Հովհաննիսյանին` հետաքրքրվեց ընդդիմադիր պատգամավորը։
Ի պատասխան ՀՀ ֆինանսների նախարար Վահե Հովհաննիսյանը նշեց` երբ խոսում են արդյունաբերության աճի մասին, իշխանություններն իրենց մակրոմոդելներով դիտարկել են տնտեսությունն ու հասկացել միտումները։
«Արդյունքում մենք գտնում ենք, որ մեր արդյունաբերության աճը վերականգնվելու է։ Եթե արդյունաբերության աճի առանձին գործոն նշեմ, ապա գործոններից էականը Ամուլսարի գործարկումն է»,– հայտարարեց նախարարը։
Նշենք, որ այս տարվա հոկտեմբերի 27–ին ԱԺ մշտական հանձնաժողովների համատեղ նիստում 2026 թ․ պետական բյուջեի նախնական քննարկման ժամանակ ՀՀ ֆինանսների նախարար Վահե Հովհաննիսյանն ասել էր` կանխատեսում են, որ 2026 թ. ընթացքում 4 տոննա ոսկի են արդյունահանելու, իսկ հանքավայրի շահագործման ծրագրում ընդհանուր ներդրումները կազմելու են 750 միլիոն ԱՄՆ դոլար, որից 250 միլիոնը նախատեսված է շինարարությունն ավարտին հասցնելու և հանքի շահագործումը սկսելու համար։
Նա նշել էր նաև, որ Ամուլսարում հաստատված պաշարները կազմում են 73 տոննա ոսկի, 294 տոննա արծաթ։
Latest from Live24
- Նոր կանոններ վարչական բողոքների համար. Սրբուհի Գալյան
- Տարածքային հարցերը կորոշի Ուկրաինայի ժողովուրդը՝ ընտրությունների կամ հանրաքվեի միջոցով․ Զելենսկի
- Թրամփը չափազանց հիասթափված է թե՛ Ռուսաստանից, թե՛ Ուկրաինայից․ Սպիտակ տուն
- Բելառուսը ԵԱՏՄ երկրներին հորդորել է հետևել Հայաստանի օրինակին
- Մարկ Ռյուտեն հայտարարել է, որ Ռուսաստանի հաջորդ թիրախը լինելու է ՆԱՏՕ-ն
- Հայաստանը ևս մեկ անգամ վերահաստատում է իր պատրաստակամությունը շարունակելու փոխշահավետ համագործակցությունը ԵԱՏՄ հետ. Նիկոլ Փաշինյան
- Գազայի «Խաղաղության խորհրդի» կազմը կհայտարարվի 2026 թվականի սկզբին. Թրամփ
- Պուտինը հեռախոսազրույց է ունեցել Վենեսուելայի նախագահի հետ
Լրահոս
Prev
Next
Ֆոտո
