Ռուսաստանը կընդլայնի հարվածները ուկրաինական նավահանգիստների վրա: Այդ մասին հայտարարել է ՌԴ նախագահ Վլադիմիր Պուտինը։

«Ռուսաստանը մտադիր չէ պատերազմել Եվրոպայի հետ, բայց եթե Եվրոպան դա անի, մենք պատրաստ ենք հենց հիմա»,- նշել է ՌԴ նախագահը։

ՌԴ նախագահի խոսքով՝ Ուկրաինայի ղեկավարությունն այժմ զբաղվում է այլ գործերով, այլ ոչ թե պատերազմական գոտում տիրող իրավիճակով․ «Այնպիսի տպավորություն է, որ նրանք ապրում են մեկ այլ մոլորակի վրա: Դե, իսկ հետո, անընդհատ փող են մուրում, այստեղ ոչ տնտեսության, ոչ էլ ռազմաճակատի ընթացիկ գործերը չեն ավարտվում»,- եզրափակել է ՌԴ նախագահը։