Ոստիկանությունում կանանց ներգրավվածությունը առանցքային ուղղություններից է. ՀՈԳՎ պետ
Կանանց ներգրավվածությունը ոստիկանությունում շարունակում է մնալ ՆԳ նախարարության ոստիկանության բարեփոխումների առանցքային ուղղություններից։ Այդ համատեքստում նոյեմբերի 11-ին ՀՈԳՎ պետ, ոստիկանության պետի տեղակալ Կարեն Հակոբյանն աշխատանքային խորհրդակցություն է անցկացրել Համայնքային ոստիկանության գլխավոր վարչության ենթակա ստորաբաժանումների կին ծառայողների հետ։
Ներկա էր նաև վարչության ենթակա ստորաբաժանումների ղեկավար կազմը։
Կարեն Հակոբյանն ընդգծելով համակարգում ներառականության սկզբունքի պահպանումը՝ կարևորել է կին ծառայողների դերը հատկապես Համայնքային ոստիկանությունում։
Նա բարձր է գնահատել հանցավորության դեմ պայքարում կին ծառայողների մասնագիտական կարողությունները, տարբեր իրավիճակներում արագ արձագանքելու, արդյունավետ ու պատասխանատու մոտեցումը։
Ոստիկանության պետի տեղակալը շեշտել է, որ ՆԳ նախարարության ոստիկանությունը շարունակելու է լավարկել համակարգը՝ խթանելով կին կադրերով այն համալրելու գործընթացը։
Կարեն Հակոբյանը ընդգծել է, որ ոստիկանության ծառայողների շարքերում կանանց ներգրավվածությունը ոստիկանի նկատմամբ հանրային ընկալման վրա դրական ազդեցություն ունի։
Խորհրդակցության ընթացքում բարձրացվել են նաև մի շարք խնդիրներ, նշվել են բացթողումներն ու թերացումները։ Ծառայության տարբեր ուղղություններով տրվել են կոնկրետ հանձնարարականներ՝ նպատակ ունենալով բարձրացնել աշխատանքի արդյունավետությունն ու ծառայողական կարգապահությունը։
Latest from Live24
- Էնդոկրինոլոգը թթու դրած կաղամբ ուտելու չորս պատճառ է նշել
- Խնայբանկում դրամական ավանդներ ունեցած ո՞ր քաղաքացիները փոխհատուցում կստանան 2026 թվականին. «Փաստ»
- Խոտաբույսեր վաճառողը մահացել է, երբ հանուն գրազի թույլ է տվել՝ կոբրան իրեն կծի
- Տարադրամի փոխարժեքները դեկտեմբերի 6-ին
- Օրվա հանդիպումների անոնս
- Հաջորդ իշխանությունը ստիպված է լինելու ամեն ինչ սկսել զրոյից. «Փաստ»
- Մադուրոն Թրամփից ապաստան և իր անձնական կարողությունից միլիոնավոր դոլարներ է խնդրել. The Telegraph
- Երևւանում փոշու պարունակությունը գերազանցել է սահմանային թույլատրելի կոնցենտրացիան
Լրահոս
Ֆոտո
