Պորտուգալիայի հավաքականի հարձակվող Կրիշտիանու Ռոնալդուն հայտարարել է, որ 2026 թվականի աշխարհի առաջնությունը, որը տեղի կունենա ԱՄՆ-ում, Կանադայում և Մեքսիկայում, իր համար վերջինը կլինի։

«Արդյո՞ք հաջորդ աշխարհի առաջնությունը վերջինը կլինի ինձ համար։ Իհարկե, դա ճիշտ է, քանի որ ես կլինեմ 41 տարեկան, և կարծում եմ, որ այս հրաշալի մրցաշարում… Ես չգիտեմ։ Ինչպես արդեն ասացի, ես վայելում եմ այս պահը», — Ռոնալդուի խոսքերը Սաուդյան Արաբիայի TOURISE զբոսաշրջային ֆորումում տված հարցազրույցից մեջբերում է Mundo Deportivo պարբերականը։