«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մարտի 4-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`

Երևան քաղաք՝

10։00-16:00 Ե․Թադևոսյան փ․ 13, 13/1, 15, 15/1, 17, 17/1,19 շենքեր, Ներքին Չարբախ 5 փողոց 3 նրբանցքի առանձնատներ և հարակից ոչ բնակիչ բաժանորդներ, Ներքին Ներքին Շենգավիթ 9 փողոցի առանձնատներ և հարակից ոչ բնակիչ-բաժանորդներ, Չարբախ 15 փողոց 3 նրբանցքի առանձնատներ և հարակից ոչ բնակիչ բաժանորդներ, Ներքին Չարբախ 3, 5, 6, 7, 12, 13, 15 փողոցներ,

11։00-17:00 Արգիշտի փ. 11/3, 11/4 շենքեր, «Հերացի» թիվ 1 հիվանդանոցային համալիրի Սեքսոպաթոլոգիայի համալսարանական կլինիկա, «Մեդտեխնիկա Պլյուս» ՓԲԸ, Բայրոնի փ. 1/1, 3, 2/1, 4, 6, 10/5 շենքեր, Սայաթ Նովայի պող. 3, 4, 5, 6, 7, 19/1, շենքեր, Տերյան փ. 55/1, 57, 59, 65, 65ա շենքեր, «Կենտրոն» վարչական շրջանի շենք միակողմանի, Թումանյան փ. 21, 30, 32, 34 շենքեր, Տերյան փ. 42, 89, 91 շենք, Աբովյան փ. 5, 7 շենքեր, «Ֆոտոմաստեր» ՍՊԸ, Կորյունի փ. 19 շենք, Իսահակյան փ. 28 շենք, Բաշինջաղյան փ. 6, 159, 159/1, 161, 163 շենքեր, Կարապետյան փողոց մասնակի, Բաբաջանյան փ. 157, 159, 163, 165, 167 շենքեր, Իսակովի պող. 44, 44/1, 44/2, 44/3, 44/4, 44/5, 46 շենքեր, Դավթաշեն 4 թաղ․ 1, 2, 3, 4, 5, 6 45, 46, 47, 48 շենքեր, Նորք Մարաշ՝ Նորք 7, 9, 10, 11, 13 փողոցների առանձնատներ, Նորք 9 փողոց 85/6 շենք, Արմենակ Արմենակյանի անվան թիվ 26 հիմնական դպրոց, Նորք 6 փողոց 1-ին նրբանցքի առանձնատներ և հարակից ոչ բնակիչ-բաժանորդներ, Վարդաշեն 1 փողոց 56-142, 96-114; 3 փողոց 4 -22, 24-25; 8 փողոց 1-86; 10 փողոց 1-11; 11 փողոց 1-17 առանձնատներ,

Արարատի մարզ՝

10։00-11։30 Աբովյան գյուղ մասնակի,

10։00-13։00 Վեդի քաղաք՝ Կոմիտասի փողոց մասնակի, Արարատ քաղաք՝ Շահումյան, Խանջյան, Իսահակյան, Սերոբ Աղբյուրի, Գրիբոյեդովի փողոցներ մասնակի, Արալեզ գյուղ մասնակ,

10։00-16։00 Ազատաշեն, Արբաթ, Գեղանիստ և Գետափնյա գյուղեր, Արգավանդ, Խաչփառ և Ղուկասավան գյուղեր մասնակի,

12։00-13։30 Վարդաշեն գյուղ մասնակի,

Կոտայքի մարզ՝

11։00-17։00 Մայակովսկի գյուղ և հարակից ոչ բնակիչ-բաժանորդներ, Արամուս գյուղ մասնակի,

12:00-15:00 Հրազդան քաղաք՝ Կոճոռ և Երիտասարդական թաղամասեր, Շահումյան, Ավետիսյան, Նարեկացու փողոցներ և հարակից ոչ բնակիչ-բաժանորդներ,

Գեղարքունիքի մարզ՝

11։00-16:00 Երանոս գյուղն ամբողջությամբ,

11:00-16։50 Արեգունի, Դարանակ, Փամբակ, Ծափաթաղ գյուղեր և հարակից ոչ բնակիչ-բաժանորդներ, «Թուֆենկյան Հոսպիթալիթի» ՍՊԸ, «Վիվա Արմենիա», «Տելեկոմ Արմենիա», «Յուքոմ» ընկերությունների բջջային օպերատորների կայաններ,

Սյունիքի մարզ՝

10:00-11:30 Քաջարան քաղաք՝ Շիրվանզադեի փ. 4, 5 շենքեր:

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

«Հայաստանի էլեկտրական ցանցեր» ընկերությունը հորդորում է հետևել էլեկտրաանվտանգության կանոններին:

Այս տղան խաղաղություն չի ուզում, քանի դեռ վայելում է ԱՄՆ-ի աջակցությունը։ Այս մասին սոցիալական ցանցի իր էջում գրել է Թրամփը՝ նկատի ունենալով Զելենսկուն․

«Զելենսկիի հայտարարությունը, թե պատերազմի ավարտը շատ հեռու է, ամենավատն է, որ նա կարող էր անել։ ԱՄՆ-ն ​​չի համակերպվելու դրա հետ։

Այս տղան խաղաղություն չի ուզում, քանի դեռ վայելում է ԱՄՆ-ի աջակցությունը։ Եվրոպան էլ ուղղակի հայտարարում է, որ չի կարողանա գլուխ հանել առանց ԱՄՆ-ի։ Սա ՌԴ-ի դեմ ուժի ցուցադրության լավագույն տարբերակը չէ։ Ի՞նչ են մտածում, ընդհանրապես»։

ՀՀ վարչապետ Նիկոլ Փաշինյանն այօսր աշխատանքի է գնացել մետրոյով։ Այս մասին տեղեկանում ենք նրա ֆեյսբուքյան էջից։ 

«Այսօր էլ մետրոյով եկա աշխատավայր»,-տեսանյութին կից գրել է նա։

Հիշեցնենք, որ երեկ  Նիկոլ Փաշինյանը կրկին տրանսպորտով էր երթևեկել։

ԱՄՆ նախագահ Դոնալդ Թրամփը բաց է բնական ռեսուրսների վերաբերյալ Վոլոդիմիր Զելենսկու հետ բանակցությունները վերսկսելու համար, բայց միայն այն դեպքում, եթե վերջինս վերանայի իր դիրքորոշումը, ասել է ԱՄՆ ազգային անվտանգության հարցերով խորհրդական Մայքլ Ուոլցը։

«Մենք պետք է Զելենսկուց լսենք, որ նա զղջում է տեղի ունեցածի համար և պատրաստ է ստորագրել հանքային գործարքն ու մասնակցել խաղաղության բանակցություններին: Դա այնքան էլ մեծ խնդրանք չէ»,- ասել է նա Fox News-ի եթերում:

Ուոլցը նաև ընդգծել է, որ Վաշինգտոնը մտադիր չէ շարունակել անվերջ աջակցությունը Կիևին՝ առանց հակամարտությունից դուրս գալու հստակ ծրագրի։

ԱՄՆ պետքարտուղար Մարկո Ռուբիոն էլ իր հերթին ABC News-ի հետ հարցազրույցում հաստատել է, որ Միացյալ Նահանգները պատրաստ է վերականգնել բնականոն հարաբերություններն Ուկրաինայի հետ, վերսկսել շփումները և «վերագործարկել» բանակցությունները։ Սակայն դա տեղի կունենա միայն այն դեպքում, եթե Կիևը պատրաստ լինի խաղաղության:

Նրա խոսքով՝ պատերազմն ավարտելու միակ միջոցը Ռուսաստանին ստիպելն է նստել բանակցությունների սեղանի շուրջ: Իսկ դրանք սկսելու համար, ըստ Ռուբիոյի, «նպատակահարմար» չէ Ռուսաստանի ղեկավար Վլադիմիր Պուտինին հակառակորդ և բռնապետ անվանելը։

ԱՄՆ պետքարտուղարը նաև վաղ է համարել անվտանգության երաշխիքների մասին խոսելը, որոնց Զելենսկին ցանկանում է հասնել, քանի դեռ բանակցություններ չեն կայացել:

ԱՄՆ վարչակազմը դիտարկում է Մոսկվայի դեմ պատժամիջոցները հնարավոր չեղարկելու պլանները՝ որպես Ռուսաստանի հետ հարաբերությունները բարելավելու և ուկրաինական հակամարտությունը լուծելու ուղիներ գտնելու ավելի լայն դիվանագիտական ​​ջանքերի մի մաս: Այս մասին հայտնում է Reuters-ը՝ հղում անելով իր աղբյուրներին։

Նշվում է, որ Սպիտակ տունը խնդրել է ԱՄՆ Պետդեպարտամենտին և ֆինանսների նախարարությանը՝ մշակել ռուսական կողմի սահմանափակումները թուլացնելու տարբերակներ, ինչպես նաև ներկայացնել սահմանափակումների ցանկ, որոնք կարող են մեղմվել Ուկրաինայի հարցով Մոսկվայի հետ բանակցությունների շրջանակում։

«Գերատեսչությունները ներկայումս մշակում են առաջարկություն՝ վերացնելու սահմանափակումները առանձին ընկերությունների և անհատների համար», - ասվում է հոդվածում:

Գործակալության աղբյուրների համաձայն՝ Վաշինգտոնի պատժամիջոցները կարող են անհապաղ չթուլանալ։ Անհասկանալի է նաև, թե դրա դիմաց ինչ է ընդունակ պահանջել ամերիկյան կողմը։

Ավելի վաղ ԱՄՆ նախագահ Դոնալդ Թրամփը հայտարարել էր, որ «հենց հիմա» հակառուսական պատժամիջոցների վերացման հարցը Վաշինգտոնի օրակարգում չկա։ Նրա խոսքով՝ ինքը մտադիր է նախ ուկրաինական հակամարտության կարգավորմանը ձգտել։

Թարգմանությունը՝ Մանուել Թամազյանի

Հռոմի պապի ինքնազգացողությունը կրկին վատացել է։

Նա ունեցել է սուր շնչառական անբավարարության երկու նոպա, հայտնում է Սուրբ Աթոռի մամուլի ծառայությունը։

Նշվում է, որ Ֆրանցիսկոսին կրկին միացրել են թոքերի արհեստական ​​օդափոխության սարքին։

ԿԳՄՍ նախարար Ժաննա Անդրեասյանը գրում է․

«Ճիշտն ասած, մտածում էի՝ ինչպես խոսել այս խնդրից, որ թացը չորին չխառնվի։ Սակայն խնդիրն ավելի կարևոր եմ համարում, քան հնարավոր չհասկացվածությունը, որ միշտ պատրաստ եմ պարզաբանել։ Ուստի ուղիղ ասեմ․ բազմաթիվ ահազանգեր եմ ստանում ծնողներից, որոնց այլ ծնողներ ստիպում են դրամահավաքի մասնակցել տարբեր առիթներով՝ մարտի ութից մինչև վերջին զանգ։ Երբ առաջարկում եմ դպրոց նշել կամ որևէ փաստական տվյալ տալ, սովորաբար հրաժարվում են, որպեսզի իրենց երեխաները հետո խնդիր չունենան, որ իրենց ծնողը բողոքել է, ամոթ է։

Հարգելի ծնողներ, ամոթը դպրոցական առօրյան առուծախի վերածելն է։ Այս քաղքենի միջավայրը, որում արժեքների փոխարեն անհարկի ու անպետք ճոխություն է, միայն փչացնում է մեր և ձեր երեխաներին։

Երեխաների օրը լավ կանցնի միայն այն պատճառով, որ միասին են, իրենց ընկերների հետ, իրենց հույզերի ու օրը լցնող զգացողությունների միջավայրում։ Դրա համար ամենևին պետք չէ, որ մի խցիկը դրոնով վերևից նկարի, մեկական խցիկ՝ ամեն անկյունից։ Ճոխությունը էմոցիա չի ավելացնում, ցուցադրականությունը անկեղծության հետ պետք չի շփոթել։

Ձեր երեխաների կողքին եղեք այն ժամանակ, երբ դրա կարիքը կա։ Բազմաթիվ են դեպքերը, երբ երեխան խնդիր ունի ու դպրոցը չի էլ կարողանում ծնողին ներգրավել․ անտարբերությունը ու սեփական երեխաների խնդիրներով զբաղվելու անհավեսությունը չի կարող փոխարինվել տոնական օրերի արտաքին փայլով։

Դե իսկ եթե որևէ դրամահավաք խրախուսվում կամ հրահրվում է հաստատության կողմից, խնդրում եմ անմիջապես գրել ինձ՝ նշելով դպրոցի համարը»։

Կրեմլը աննախադեպ է անվանել Ուկրաինայի առաջնորդ Վլադիմիր Զելենսկու հրապարակային վեճը ԱՄՆ նախագահ Դոնալդ Թրամփի հետ՝ դրանով իսկ առաջին անգամ պաշտոնապես մեկնաբանելով Սպիտակ տան սկանդալը:

«Զելենսկին շատ առումներով, հնարավոր է, ցույց է տվել դիվանագիտական հմտությունների լիակատար բացակայությունը», – հայտարարել է ՌԴ նախագահի մամուլի քարտուղար Դմիտրի Պեսկովը:

Նրա խոսքով՝ Զելենսկու և Թրամփի միջև լեզվակռիվը ցույց տվեց, թե «որքան դժվար կլինի» կարգավորել ռուս-ուկրաինական հակամարտությունը։

«Եվ ակնհայտ է, որ դա անելը հեշտ չի լինի։ Բացի այդ, իհարկե, շատ կարևոր է, որ ինչ-որ մեկը ստիպի Զելենսկուն փոխել դիրքորոշումը։ Նա խաղաղություն չի ուզում: Ինչ-որ մեկը պետք է ստիպի Զելենսկուն խաղաղություն ցանկանալ: Եթե դա կարող են անել եվրոպացիները, պատիվ և փառք նրանց», – նշել Է Պեսկովը

Ավստրիայի նախագահ Ալեքսանդր վան դեր Բելենը այսօր ընդունել է կոալիցիա կազմած նոր կառավարության երդման արարողությունը։

Ավստրիայի նոր կանցլեր է դարձել Պահպանողական Ժողովրդական կուսակցության (ÖVP) առաջնորդ Քրիստիան Շթոքերը։

Ավելի վաղ Ավստրիայում երեք ցենտրիստական ​​կուսակցություններ հայտարարել էին, որ համաձայնության են եկել նոր կառավարություն ձևավորելու հարցում։

Նշենք, որ կոալիցիայի մաս են կազմել երեք ուժեր՝ Պահպանողական Ժողովրդական կուսակցությունը, ձախ կենտրոնամետ Սոցիալ-դեմոկրատական կուսակցությունը և ազատական ​​Neos կուսակցությունը:

Հատկանշական է, որ ավստրիական ռուսամետ աջ պոպուլիստական ​​Ազատության կուսակցությունը հայտնվել է լուսանցքում՝ չնայած ընտրություններում ամենաշատ ձայները հավաքելուն։

Ադրբեջանի դրոշով ավտոմեքենան վարելու դեպքի հետ կապված ոստիկանության կողմից կազմվել է վարչական իրավախախտման վերաբերյալ արձանագրություն։ Այս մասին  հայտնում են ոստիկանությունից։

Հիշեցնենք, որ այսօր համացանցում տեսանյութ էր տարածվել, թե ինչպես է մի մեքենա երթևեկում ճանապարհին՝ բեռնախցիկին Ադրբեջանի դրոշ։

Ավելի ուշ ՆԳՆ խոսնակ Նարեկ Սարգսյանը տեղեկացրել էր, որ Ադրբեջանի դրոշով տրանսպորտային միջոցն ու վարորդը ներկայացվել են ոստիկանության բաժին․ «Համացանցում տեսանյութ է տարածվել, թե ինչպես է մի մեքենա երթևեկում ճանապարհին՝ բեռնախցիկին Ադրբեջանի դրոշ։ Տրանսպորտային միջոցը վարող անձի գործողություններում իրավախախտման հանգամանքները պարզելու և ըստ այդմ համապատասխան վարույթ նախաձեռնելու հարցը քննարկելու նպատակով՝ վարորդը տրանսպորտային միջոցով ներկայացվել է Համայնքային ոստիկանության Վաղարշապատի բաժին։ Կտրվի լրացուցիչ տեղեկատվություն»։