Իրանը Կատարի գազային ենթակառուցվածքներին հարվածելիս կիրառել է հրթիռներ, որոնք ընդունակ են շրջանցել «Պատրիոտ» հակաօդային պաշտպանության համակարգերը։ Այս մասին հայտնում է Financial Times-ը՝ հղում անելով հարձակման գնահատմանը ծանոթ աղբյուրներին։
Ըստ պարբերականի, թիրախը դարձել է QatarEnergy ընկերության օբյեկտը Ռաս Լաֆան արդյունաբերական գոտում։ Հրապարակման մեջ նշվում է, որ կիրառված հրթիռները եղել են «առաջադեմ» և «մանևրող», ինչպես նաև ընդունակ են շրջանցել ամերիկյան ՀՕՊ համակարգերը, այդ թվում՝ «Պատրիոտը»։
Պարբերականը չի հստակեցնում կիրառված հրթիռների տեսակը։ Ըստ փորձագետների գնահատականների, խոսքը կարող է վերաբերել հետագծի վերջնական հատվածում մանևրելու հնարավորությամբ համակարգերին, ինչը դժվարեցնում է դրանց որսումը։
Կատարի պաշտոնյաներն ավելի վաղ հայտնել էին հարձակման հետևանքով ենթակառուցվածքների վնասման մասին՝ առանց մանրամասնելու վնասների չափերը։ Հրթիռների որսման մասին տվյալներ չեն հաղորդվում։
Հարձակումը տեղի է ունեցել տարածաշրջանում շարունակվող լարվածության ֆոնին։ Ռաս Լաֆանը հեղուկացված բնական գազի վերամշակման և արտահանման առանցքային կենտրոն է։