Իրանական տելեգրամ ալիքները գրում են, որ Իսրայելը ժամանակակից ռազմական տեխնիկա է տեղափոխում Սիրիայի Էս-Սուվեյդա նահանգ՝ այնտեղ հետախուզական և դիտարկման բազա ստեղծելու նպատակով։
Այս տեղեկությունները տարածվել են այն բանից հետո, երբ Իսրայելի վարչապետ Բենիամին Նեթանյահուն հրապարակավ հայտարարել է Իրանի ղեկավարությանը տապալելու մտադրության մասին։ Հոկտեմբերի 21-ին նա հայտնել է, որ իսրայելական բանակին և հետախուզական ծառայություններին հանձնարարել է հասնել այդ նպատակին։
Այս համատեքստում Սիրիայում բազայի ստեղծումը հատուկ ռազմավարական նշանակություն է ստանում։ Այն կարող է ընդլայնել Իսրայելի հետախուզական հնարավորությունները տարածաշրջանում և օգնել հետևելու Իրանի կողմից հնարավոր հարձակումներին։
Այս տեղեկությունների ֆոնին հաղորդվում է նաև Էս-Սուվեյդայի շրջանում սիրիական զորքերի ուժեղացման և երկրի հարավում Իսրայելի ռազմական ներկայության ընդլայնման մասին։