Իրաքի Նաջաֆ քաղաքի միջազգային օդանավակայանը, մի քանի օր տևած դադարից հետո, կիրակի օրը վերսկսում է ավիահաղորդակցությունն Իրանի հետ։ Առաջին օրը նախատեսված է երեք երեկոյան չվերթ, հաղորդում է Իրաքի INA լրատվական գործակալությունը՝ հղում անելով օդանավակայանի վարչակազմին։
Իրաքը նախօրեին հայտարարել էր, որ ԱՄՆ-ն տրամադրել է պատժամիջոցային ռեժիմից բացառություն, որը թույլ է տալիս իրանական ավիաընկերություններին օրական մինչև 40 չվերթ իրականացնել դեպի Նաջաֆ և հակառակ ուղղությամբ։ Սահմանափակումը չի վերաբերում իրանական Mahan Air ավիաընկերությանը, որը շարունակում է բացառված մնալ համաձայնությունից։
Որոշումն ընդունվել է այն բանից հետո, երբ Իրաքը անցած շաբաթ դադարեցրել էր ավիահաղորդակցությունը Իրանի հետ՝ իրանական ավիացիոն հատվածի դեմ ամերիկյան պատժամիջոցների խստացման ֆոնին։ Բաղդադը ձգտում էր բացառություն ստանալ այն չվերթների համար, որոնք հիմնականում կապված են կրոնական ուխտագնացության, բժշկական օգնության, զբոսաշրջության և կրթության հետ։