Ամերիկացի բարձրաստիճան պաշտոնյան հայտնել է, որ Սպիտակ տունը «մտահոգված չէ» Գազայի ծրագրի վերաբերյալ Նեթանյահուի հայտարարությունից։ Այդ մասին հայտնել է Axios-ի թղթակից Բարակ Ռավիդը։
«Մենք հասկանում ենք Բիբիի քաղաքական կարիքները։ Մենք դրա հետ խնդիր չունենք, քանի դեռ նա շարունակում է անել այն, ինչ մենք խնդրում ենք, հատկապես՝ Գազայում հարձակումները զսպելու հարցում», – նշել է ամերիկացի պաշտոնյան։
Անցյալ շաբաթ Նեթանյահուն հեռախոսազրույց է ունեցել նախագահ Թրամփի հատուկ ներկայացուցիչ Ջարեդ Քուշների հետ և խոստացել է հնարավորություն տալ 15 կետից բաղկացած ծրագրին՝ չնայած իր թերահավատությանը, ինչպես նաև սահմանափակել Գազայի վրա հարձակումները, որպեսզի կարողանա սկսվել Գազայի ապառազմականացման գործընթացը, հայտնել է ամերիկացի պաշտոնյան։
Այդ ժամանակվանից ի վեր Իսրայելը Գազայի վրա հարձակումներ չի իրականացրել, իսկ ՑԱՀԱԼ-ը աստիճանաբար վերադառնում է «դեղին գծին»։ Միևնույն ժամանակ ԱՄՆ-ն և միջնորդները պահանջում են, որ ՀԱՄԱՍ-ը սկսի զինաթափումը։