Ամերիկացի զինվորականները սպառել են THAAD հակահրթիռային պաշտպանության առանցքային համակարգի իրենց հրթիռների գրեթե 80%-ը, իսկ ամերիկացի բարձրաստիճան ռազմական ղեկավարները զգուշացնում են, որ Պենտագոնի զինամթերքի պաշարները գտնվում են «չափազանց ցածր վտանգավոր մակարդակի» վրա։ Այս մասին հայտնում է CNN-ը։
Իրանի հետ պատերազմի սկզբից ամերիկացի զինվորականները, նախապատերազմական ցուցանիշների համեմատ, սպառել են իրենց THAAD հրթիռների գրեթե չորս հինգերորդը և Patriot համակարգի խոցիչների մոտ կեսը։ THAAD-ի պաշարների ցածր մակարդակի մասին տեղեկությունը նախկինում չէր հաղորդվել։
Իրանի հետ պատերազմի սկսվելուց առաջ Միացյալ Նահանգներն ունեցել են մոտ 2200 Patriot հրթիռ և 452 THAAD հրթիռ։
Պարսից ծոցի երկրները մտահոգված են, որ հակաօդային պաշտպանության միջոցների պակասի պատճառով չեն կարողանա հետ մղել Իրանի հնարավոր հարվածը, եթե Թրամփը որոշի էլ ավելի սրել իրավիճակը։
Մի շարք երկրներ ընդունել են, որ հրթիռային պաշարների պակասը կարող է դժվարացնել իրանական հրթիռային և անօդաչու հարձակումները հետ մղելու իրենց կարողությունը։