ԱՄՆ նախագահ Դոնալդ Թրամփի վարչակազմը քննարկում է 100 հազար դոլարի չափով վճար սահմանելու հնարավորությունը օտարերկրյա ուսանողների համար, որոնք ցանկանում են ուսումն ավարտելուց հետո մնալ երկրում և աշխատել, հայտնում է Bloomberg գործակալությունը՝ հղում անելով նախաձեռնության քննարկումներին ծանոթ աղբյուրին։
Գործակալության զրուցակիցը նշել է, որ նման միջոցը կարող է լրջորեն ազդել ուսանողական վիզա ունեցող անձանց վրա, որոնք արդեն բախվում են միգրացիոն քաղաքականության խստացմանը։
Սպիտակ տան ներկայացուցիչը հայտարարել է, որ կանոններում անհապաղ փոփոխություններ չեն սպասվում, սակայն չի հերքել, որ նման առաջարկն իսկապես քննարկվում է վարչակազմի կողմից։