Երևանի Շիրակի փողոցում 45-ամյա Գևորգ Գ.–ն իր վարած «Kia Forte» մակնիշի մեքենայով տարեց մի տղամարդու է վրաերթի ենթարկել։ Տեղեկությունը հայտնում է shamshyan.com-ը։
Նշվում է, որ դեպքի մասին ահազանգը ստացվել է օգոստոսի 1-ին, ժամը 00։10-ի սահմաններում։
«Վարորդը փախուստի չի դիմել, բայց եղել է ոչ սթափ, չնայած հայտարարել է, թե սթափ է, պարզապես դեպքից հետո դեղ է խմել։ Վրաերթի ենթարկվածը հետիոտն 80-ամյա Աշոտ Ա.-ն է եղել։ Շտապօգնության բժիշկները դեպքի վայրում արձանագրել են նրա մահը»,– գրում է կայքը։
Դեպքի փաստով քննչական բաժնում նախաձեռնվել է քրեական վարույթ։