Ամերիկացի զինվորականները սկսել են Իրաքից վերջին մնացած ուժերի դուրսբերումը, որոնք տեղակայված էին Իրաքյան Քուրդիստանում՝ Էրբիլի օդանավակայանի շրջանում։ Դրա մասին հայտնել են Al-Monitor-ի աղբյուրները։
Patriot զենիթահրթիռային համալիրները, որոնք նախատեսված են մոտեցող հրթիռներ, անօդաչու թռչող սարքեր և այլ տեխնիկա հայտնաբերելու և խոցելու համար, արդեն դուրս են բերվել ռազմական օբյեկտի տարածքից։
Զորքերի դուրսբերումը սկսվել է անցյալ շաբաթ և շարունակվում է մինչ այժմ։
Ամերիկյան զորքերի և նրանց ծանր տեխնիկայի հիմնական մասը դուրս է բերվել։
Patriot-ի բոլոր զենիթահրթիռային մարտկոցները վերատեղակայվել են անհայտ վայր։
Տարածաշրջանային պաշտոնյաները զորքերի դուրսբերումը բնութագրել են որպես ծրագրված և համապատասխանող ԱՄՆ-ի պարտավորությանը՝ մինչև սեպտեմբերի 30-ը Իրաքից դուրս բերել իր բոլոր ուժերը, ինչպես համաձայնեցվել էր Բաղդադի հետ։
Սակայն, հաշվի առնելով Իրանի և նրա պրոքսիների շարունակվող հարձակումները, զորքերի դուրսբերումը քրդերին թողել է չափազանց խոցելի վիճակում։