ԱՄՆ Թենեսի նահանգի Գատլինբուրգ քաղաքի առևտրի կենտրոնի գնորդները ստիպված էին փախչել խանութի կայանատեղիում հանկարծակի հայտնված արջից։ ABC-ն հեռարձակել է միջադեպի կադրերը, որոնք նկարահանել է ականատեսը։
Տեսանյութում երևում են տասնյակ մարդիկ, որոնք գոռում և վազում են կայանատեղիով՝ թաքնվելով իրենց մեքենաներում, այն բանից հետո, երբ հանկարծակի հայտնվել է սև արջ։ Արջը արագ վազել է մեքենաների միջով և անհետացել մոտակա գետի ուղղությամբ։ Տեղի բնակիչները ավելի ուշ տեսել են, թե ինչպես է արջը ջուր խմում գետից, նախքան տեսադաշտից անհետանալը։
Արջի գործողություններից ոչ ոք չի տուժել, սակայն մի գնորդ իր կյանքը վտանգի է ենթարկել։ Մեքենայում թաքնվելու փոխարեն, նա հեռախոսով նկարահանել է գիշատչին, երբ այն անցնում է իր մեքենայի կողքով, բայց արջը անտեսել է նրան։