ԱՄՆ նախագահ Դոնալդ Թրամփը անդրադարձել է ֆուտբոլի աշխարհի առաջնությանը։
«Մեսսիին լավ հսկում էին, ու հանկարծ նա հայտնվեց աջ կողմում, մինչդեռ նրան հսկող մեծագույն խաղացողը պարզապես կանգնած էր այնտեղ։ Մեսսին գոլ խփեց, և խաղն այդքանով ավարտվեց։ Որքա՞ն լավն է Մեսսին. նա հեթ-տրիկ ձևակերպեց։ Կարծում եմ՝ դա շատ հազվադեպ երևույթ է ձեր մարզաձևում, այնպես չէ՞»,- նշել է նա։
«Ես գոլֆ եմ խաղացել Հարի Քեյնի հետ (Անգլիայի հավաքականի հարձակվող խմբ.), և նա հրաշալի տղա է։ Կարծում եմ՝ նրանք, հնարավոր է, սխալ թույլ տվեցին՝ նրան պաշտպանության խաղացող դարձնելով։ Նրանք վերցրին իրենց լավագույն խաղացողին ու դրեցին պաշտպանությունում։ Դա մի փոքր արտասովոր էր»,- հավելել է Թրամփը։
Թրամփը խոսել է նաև ԱՄՆ հավաքականի խաղացող Բալոգունի ստացած կարմիր քարտի մասին. «Եթե Ջանին (ՖԻՖԱ-ի նախագահ խմբ.) թույլ չտար Բալոգունին խաղալ, մենք կասեինք՝ «մենք կհաղթեինք խաղը, եթե ունենայինք մեր լավագույն խաղացողին»։ Ջանին ճիշտ որոշում կայացրեց»։
ԱՄՆ նախագահը նաև հայտնել է, որ ճանաչում է Քրիշտիանու Ռոնալդուին՝ նրան անվանելով հրաշալի տղա։
ՖԻՖԱ-ի նախագահ Ինֆանտինոն, իր հերթին, դիմելով Թրամփին, հայտարարել է. «Դուք գովեստի խոսքերի կարիք չունեք, բայց այս աշխարհի առաջնությունն այսպիսի անհավանական հաջողություն չէր ունենա առանց Ձեզ։ Անշուշտ, այս առաջնությունը գերազանցեց բոլոր սպասելիքները»։