Մարիա Շարապովան անմոռանալի արձակուրդ է վայելել Դոլոմիտներում՝ համատեղելով ակտիվ հանգիստը և ռելաքսը։
Մարիայի օրը սկսվել է լանջերին՝ նա դահուկներով սահել է, ապա արշավի է գնացել՝ վայելելով լեռների ապշեցուցիչ տեսարանները։ Զբոսանքից հետո Շարապովան լողացել է բացօթյա լողավազանում՝ ցածր դեկոլտեով լողազգեստով, ապա հանգստացել սաունայում։
Նա իր տպավորություններով կիսել է Ինստագրամում. «Վերջապես ես Դոլոմիտներում եմ։ Ի՜նչ յուրահատուկ վայր՝ համեստ, անպաճույճ, պարզապես իսկական թեթևացում։ Ես դեռ դահուկորդ չեմ, բայց մեկ օրում կարողացա լեռնագնացություն անել, լողալ և վայելել բնությունը»։
Մարիան նաև գովեստի խոսքեր է ասել Aman Rosa Alpina հյուրանոցի մասին. «Շնորհակալություն Ուրսուլա և Հյուգո հրաշալի հանգստի համար։ Դուք այս վայրի հոգին եք»։
Շարապովան հայտնի է դարձել, երբ 2004 թվականին 17 տարեկանում հաղթել է Ուիմբլդոնը՝ եզրափակչում հաղթելով Սերենա Ուիլյամսին։ Նա հաղթել է բոլոր չորս «Մեծ սաղավարտի» մրցաշարերը, նախքան 2020 թվականին թոշակի անցնելը։