Չորեքշաբթի, 18 Նոյեմբերի

Օդեսայի կենտրոնին ռուսական զինուժի հարվածի հետևանքով երեք մարդ է զոհվել, ևս յոթը՝ վիրավորվել. հայտնել է քաղաքի ռազմական վարչակազմի ղեկավար Սերգեյ Լիսակը։

Նրա խոսքով՝ զոհերի թվում երկու կին և մեկ տղամարդ են։

Հարվածը հասցվել է այսօր առավոտյան։ Սերգեյ Լիսակի տեղեկացմամբ՝ հարձակման հետևանքով վնասվել են բնակելի շենք և ուսումնական հաստատություն։ Հրդեհ է բռնկվել նաև մեկ ավտոմեքենայում, մի քանի այլ մեքենաներ վնասվել են։

Share.