Դիվանագիտական աղբյուրները The Telegraph պարբերականին հայտնել են, որ Ուկրաինայի շուրջ բանակցություններին եվրոպական երկրների ներգրավման Ռուսաստանի շարժառիթը եղել է բանակցությունների հաջորդ փուլն օգտագործել ՆԱՏՕ-ի ընդլայնման հարցում զիջումներ կորզելու համար, որը Վլադիմիր Պուտինը անվանել է պատերազմի «առաջնային պատճառը»։
Ավելի վաղ Կրեմլն ակնարկել էր, որ Ռուսաստանի նախագահը կարող է պատրաստ լինել փոխզիջման գնալ այլ հարցերում, եթե բավարարվեն նրա հիմնական պահանջները, որոնք ըստ էության զրկում են Ուկրաինային ինքնիշխանությունից և ստիպում ՆԱՏՕ-ին կրճատել իր ընդլայնումը դեպի արևելք։
Ամենայն հավանականությամբ, Պուտինը կպահանջի Եվրոպայում ՆԱՏՕ-ի ներկայության կրճատում մինչև 1997 թվականի մակարդակը, երբ նախկին Արևելյան բլոկի երկրները սկսեցին միանալ դաշինքին։
Դա կնշանակեր ՆԱՏՕ-ի զորքերի հնարավոր դուրսբերում Լեհաստանից, Էստոնիայից, Լատվիայից և Լիտվայից, ինչպես նաև Ֆինլանդիայից, որը դաշինքին միացել է 2023 թվականին։ Բոլոր հինգ երկրները սահմանակցում են Ռուսաստանին։