Ռուսաստանի արտաքին գործերի նախարար Սերգեյ Լավրովը աշխատանքային այցով ժամանել է Թեհրան, որտեղ նախատեսված է նրա հանդիպումը իր իրանցի գործընկեր Աբբաս Արաղչիի հետ, հայտնում է «Ինտերֆաքս»-ի թղթակիցը։
Բանակցությունների ընթացքում նախարարները հիմնական ուշադրությունը կենտրոնացնելու են «վերջերս կայացած բարձր և բարձրագույն մակարդակի շփումների արդյունքում ձեռք բերված պայմանավորվածությունների իրագործման, ինչպես նաև երկու երկրների միջև համապարփակ ռազմավարական գործընկերությունն էլ ավելի ամրապնդելուն ուղղված գործնական քայլերի վրա», — ավելի վաղ հայտնել էր ՌԴ ԱԳՆ պաշտոնական ներկայացուցիչ Մարիա Զախարովան։
Բացի այդ, երկու երկրների արտաքին քաղաքական գերատեսչությունների ղեկավարները նախատեսում են մանրամասն քննարկել միջազգային և տարածաշրջանային արդի խնդիրները՝ հատուկ ուշադրություն դարձնելով Իրանի շուրջ ստեղծված իրավիճակին և տարածաշրջանային լարվածությունը թուլացնելու ուղղությամբ ռուսական կողմի ձեռնարկած քայլերին, նշել է նա։
Լավրովի նախորդ այցը Թեհրան տեղի էր ունեցել 2025 թվականի փետրվարի 25-ին։ Այդ աշխատանքային այցի ընթացքում նախարարը հանդիպել էր Արաղչիի և Իրանի նախագահ Մասուդ Փեզեշքիանի հետ։