Կիևի քաղաքային իշխանությունները հայտարարել են «անհաղթահարելիության կետերի» բացման մասին Օբոլոնի, Պոդիլի և Սվյատոշինի շրջաններում, որտեղ ռուսական հարվածներից հետո հատկապես լուրջ խնդիրներ են առաջացել էլեկտրամատակարարման հարցում։
Այս տարածքները, որոնք սովորաբար գործում են հանրային շենքերում, դպրոցներում կամ համայնքային հաստատություններում, բնակիչներին հնարավորություն են տալիս տաքանալ, լիցքավորել հեռախոսները, ինչպես նաև օգտվել ինտերնետից, ստանալ խմելու ջուր կամ տաք ըմպելիքներ։ Այս նախաձեռնությունը մեկնարկել էր դեռևս 2022 թվականի աշնանը՝ ուկրաինական էներգահամակարգի առաջին խոշոր ռմբակոծությունների ժամանակ։
Մայրաքաղաքում ջրամատակարարումն ու ջեռուցումն ապահովելու համար օգտագործվում է նաև շուրջ 700 գեներատոր, սակայն որոշ խոշոր պոմպակայաններ դեռևս մնում են առանց պահեստային էլեկտրասնուցման։