Վրաստանի էկոնոմիկայի և կայուն զարգացման նախարար Մարիամ Կվրիվիշվիլին կկատարի փոխվարչապետի պարտականությունները։ Նշանակման մասին կառավարության նիստում հայտարարել է երկրի վարչապետ Իրակլի Կոբախիձեն, հայտնում է Georgia Online-ը։
Նա շնորհակալություն է հայտնել Կվրիվիշվիլիին միանգամից մի քանի ուղղություններով կատարած աշխատանքի համար և վստահություն հայտնել, որ նոր նշանակումը կօգնի նրան հասնել հետագա հաջողությունների և ամրապնդել երկրի տնտեսական հատվածը։
Մարիամ Կվրիվիշվիլին գլխավորել է Էկոնոմիկայի և կայուն զարգացման նախարարությունը 2025 թվականի հունիսի 24-ին՝ այդ պաշտոնում փոխարինելով Լևան Դավիթաշվիլիին։
Կվրիվիշվիլիից բացի, Վրաստանի կառավարությունում փոխվարչապետի պաշտոններ են զբաղեցնում պաշտպանության նախարար Իրակլի Չիկովանին և արտգործնախարար Մակա Բոչորիշվիլին։